ملتقى طلاب وطالبات جامعة الملك فيصل,جامعة الدمام - عرض مشاركة واحدة - قولوا لي ويييييييش أسوووي راح عني الرياضيات ونساني

ღ الليدي ساره ღ · #1 2011- 6- 3

السلام عليكم

بشرح لكم وضعي وقولوا لي وضعي طبيعي والا يستدعي تدخل جراحي >> منخرشة من كثر الحوادث
يعني انتم نفسي والا لا وبسأل في ناس كثير تحمل الرياضيات والا لا

مشكلتي وعقدة حياتي وفيلم الرعب اللي ينقز قلبي منه منذ نعومة خشمي = الرياضيات
مااطيقه ماادانيه اكره الارقام والحسابات نص هنود بقالات واسواق الكويت والشرقية بالفين فلوسي
حتى وانا صغيرة اذكر امي تصفقني لاني اضيع فلوسي دايما

مااعرف احاسب بالاسواق ولا شي على طول اللي يرجع لي اخذه وامشي ولو مايرجع لي شي الوضع طبيعي عندي

وهذا اللي حاصل لي الحين مع مادة الرياضيات
الزبدة كل ماافهم درس بالرياضيات اتنكس من الفرحه ورى ورى العب لين تصفق جبهتي باب المقلط >> عاشو الدوافييير
شكرا شكرا لاداعي للتصفيق >> حلالاة من صفقّك الحين لين تعضين القاع على هالمخ السبيكة المتنك
ويوم انقز لدرس او درسين وراهـ وأريوس على الدرس الاول اللي ذاكرت والا ؟؟؟ كأني اشوفه للوهله الاولى
وادخل بغيبوبة من حالة الاحباط والاكتئاب من الدرجة الثالثة وانفصام بالركبة ورغبة شديدة في الانتقام ممن حذفني في ادارة الاعمال وكل مااقوله شي يقول لا عادي سهل
لو اني متزوجه مصري على الاقل صرت دافورة بالرياضيات اشوى من بعض الشعب السعودي اللي يابلوت ياطردي ورى اخبار النصر وكحيلان واحلام البطولة الزائفة
بالله ساعدوني الحين شفت نموذج اختبار رياضيات ولاعرفت ولاااااااااااااشي والمشكلة مهوب لحية حفظ والا كان نتكي ونحفظ كم شغلة ويالله لكن هذا كلــه يبي فهم
تكفوووون ابي طريقة تخليه يثبت بمخي تكفووون قولوا لي ويش اسوي