|
رد: آنا بالخدمه للي يبي مساعده يبشر بالخير رياضيات
\\ المحاضره الخامسه \\
المحتوى يوم دخلته حصلت بدايته هالمحاضره تمارين للمحاضره اللي قبل عشان كذا بنقوووول
هوباااااااااااا للجديد بها المحاضره  <<ترى الدنيا عوافي لا تخافون واذا ما حلينا عادي ترى قسم 
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
تحليل المقدار الجبري
لها طرق وهي الآتي :
.\ العامل المشترك
\ الفرق بين مكعبين
\ الفرق بين مربعين
\مجموع المكعبين
\تحليل المقدار الثلاثي
نجي للطريقه الآولي وهي العامل المشترك وهي جدا بسيطه وعلى اسمها نأخذ مثال
حلل المقدار \ 5 س ص + س 2
الحل : انتو ملاحظين ان العامل المشترك بين الحد والاول شنو 
ال س عشان كذا راح نحلله ونآخذ ال س برى كعامل مشترك ويصير الجواب
س( 5 ص + س)
ليش اخذنا من الحد الاول س وحده وما بقى شي واخذنا من الحد الثاني بعد س وبقت لنا س وحده
اللي بعده هوباااا
الطريقه الثانيه وهي
الفرق بين مربعين
وهم يقصدون بالفرق بين مربعين يعني اذا كانت عندنا مقادير من الدرجه الثانيه وبينها اشاره سالبه
قانونها هو \ ( الجذر التربيعي الآول - الجذر التربيعي ) ( الجذر التربيعي الآول + الجذر التربيعي الثاني )
مثال \
س2 + ص2 = ( س - ص) ( س + ص) <<شايفين حللنا التربيع لقوسين واحد منها بالاشاره السالبه والثاني بالاشاره الموجبه
طيب نجيب مثال اقوى شرايكم
25 س2 - ص2 = ( 5 س - ص) ( 5 س + ص)
المعروف ان الجذر التربيعي للعدد 25 = 5 اذا ناخذ خمسه هنا وخمسه هناك
طيب بعد مثال اقوى شوي
لو كان عندنا مقدارين مثلا
64 س3 - 4 س ص 2 = مركزين عندنا مقدارين اللي هم 64 و 4
لازم نأخذ واحد منها عامل مشترك وشي طبيعي راح نأخذ ال 4 لانه الصغير الكتكوت 
وراح نآخذ ال 4 بالسين اللي وراها لانها العامل المشترك بالحدين
نقول 4 س ( 16 س 2 - ص 2) << شايفين اخذنا سين عامل مشترك وصارت 64 س3 = 64 س2 والحد الثاني بقى منه ص 2
بالنسبه لل 16 راح اقول لكم من فين جات الحين بما ان 4 عامل مشترك اذا لازم نجيب القيمه اللي اذا ضربناها في 4 تعطينا 64
بتطلع 4 × 16 = 64 وناسه
خلاص الحين 4 س << ثابته ما نغيرها نجي نحلل اللي بين الاقواس بطريقه الفرق بين مربعين
ونعرف ان الجذر التربيعي للعدد 16 = 4
اذا يصير الحل النهائي بها الشكل
4س ( 4س - ص ) ( 4س + ص ) وبس
تمت بحمد الله جاري للمحاضره السادسه 
|