مع حبيبي كنت اسولف والخطآ وقت السؤال
مرني صدفه وسألته هي علاقتنا بخــير..؟
رد مستغرب وحاير وضحي معنى السؤال..!
قلت له واضح سؤالي هي علاقتنا بخير
هو نقص قدري بقلبك قول ياولد الحلال..!
غيبتك ماهي قليله غيرت فيني الكثير
ايه وربي غيرتني من عقب ذاك الدلال
ادري مستغرب كلامي باقي اسمع للأخير
من عرفتك قام حظي والفرح اكبر مثال
زانت الدنيا بعيني والأمل دربه حرير
كنت ماتصبر بدوني كان حبي لك خيال
افتقد ذيك الليالي يوم تعشقني كثير
ماتغير شي إلاًً صرت تبخل بالوصال
وكانت الفرصه كبيره للقلوب اللي تغير
كنت لاهي في غيابك والبشر قيل وقال
حالتي تصعب عليهم والجفا منك مرير
تعتذر لي عن غيابك وبعده تشد الرحال
صرت فيني ماتبالي صرت معدوم الضمير
من برودك حتى شعري خاب وزنه واستمال
ضاع فكره والقوافي وضعها جدآآ خطير
شفت حالي وش وصل له والسبب قل الوصال
ارتويت الصبر كله ورحت ادور عن مصير
طابت العشره بعيني واللقى اصبح محال
السبب واضح لغيرك وانت تجهل وش يصير
اعتبر غلطة سؤالي فرصه ياسيد الرجال
لاتجاوب روح وابعد القلوب بألف خيــر
؛