|
رد: لطلاب السنه التحضيريه: هل استفدتم منها وتطورتم في اللغه؟
اقتباس:
المشاركة الأصلية كتبت بواسطة ع ـبدالعزيز
الله مو مصدق ان في فيصل سنة تحضيرية ؟؟ لا فيهـ وبنسبة لكلامك ليتنا لحقنا ذيك الايام احمد ربك انك ما لحقتها لا تفكرها سهلة وواضح انك برى السعودية يعني اللغة عندك مثل الموي
والله السنة التحضيرية جدآآآآ سيئة والتعليم فيه صعب وربي خلو الناس تسحب لـ اماكن ثانية لان ما عندهم تدريج يحسسونك انك بلبل انجليزي ولا الرياضيات بالانجليزي والانجليزي الدكتور كندي والحاسب الدكتور هندي .. سلامات ؟؟ انا ما امانع هالطريقة لاكن تكون لـ ناس متعودين على هالشي بالثانوية يعني بذمتك ايام الثانوي دراستنا سهالات نجي ونشوف دكتور كندي ولو انهم السمستر الأول يعطونه فرصه بدكتور عربي على الاقل نحس بالثقة ونعرف نتكلم وناخذ ونعطي والسمستمر الثاني جابو كندي كان اهون والله بتتغير اشياء كثيرة لاكنهم صدمونا بطريقة تعليم تعجيزية :( والله طموحي عالية بس الصدمه اللي شفتها مو هينة :(
عموما الله يوفقك وكلامي كله رد على كلامتك ليتنا لحقنا هالايام حبيت اوضح لك انهم يحاولون يتطورون بس ما سوو دراسة لـ هالتطوير وياليت الاقي الكتب اللي قلت عنها
|
هلا ابو سعود ،،،
شوف انا على نهاية دراستي سمعت انهم مقررين يطرحون السنه التحظيريه ،، ووقتها قلت لا مانبيها ،، وكله علشان مايآخرونا سنه كامله ،، لانهم كانو مقررين يمددون لنا سنه عشان ندرس هالسنه ،،
بخصوص تدريس اللغه ،، انا ماعندي اي خلفيه عن اسلوبهم في التدريس ،، وماهو البرنامج المتبع لتدريس الانجليزي ،،
ولكن لو ظربنا مثل بالمبتعثين ،، هناك ناس مايعرفون يكتبون اسمهم بالانجليزي ،، ولكنهم بدوا ببرنامج اسمه beginner وفيه يبداء بشرح الاشياء الخفيفه ،، مثل كيف تخطاب الناس ،، مثل التحيه ،، او مثل الطلب ،، او مثل الاشاره للقريب والبعيد ،، ومن ثم يتدرجون حبه حبه ،، وبعدها يطلع مستوى المنتري ،،
بخصوص الرياضيات ،، انا اتوقع انها ماتحتاج مدرسين انجليزيين ،، بآمكانهم استخدام شرح عربي ولكن المنهج يكون انجليزي وهذا على سبيل المثال x and y
ثالثاً اتوقع ان دراسة اللغه الانجليزيه بالسنه التحظيريه سنه كامله ،، وهذا وقت مناسب لتقسيم برنامج اللغه لمراحل ،، واتوقع الطالب لما يوصل الى مستوى انترميديت بامكانه دخول الجامعه ،، خصوصاً اذا كانت جامعه بالسعوديه ،،،
على العموم اخوي ،، لاتستصعب اللغه ،، انت اهم شي يكون عندك الدافع لدراسة هذه اللغه ليس لهدف اكمال الدراسه ولكن لهدف الاستفاده منها بحياتك ،،،
بخصوص الكتب ان شاء الله بتلقاها لآني شريتها لآخوي من جرير لما وجدتها عندهم ،، انا اتكلم عن جرير الخبر الي بالواجهه البحريه ،، لا اعلم عن جرير الاحساء ولكن ان شاء الله تحصلها اذا كنت في الاحساء ...
ايضاً هناك كتاب من نفس الشركه الطابعه للكتاب ،، ولونه ازرق للفوكابلري ومره حلو وسهل ،،
ايضاً هناك كتاب له ثلاث مستويات ،،، المستوى الاول اللمنتري وبري انترميديت والمستوى الثاني لو انترميديت وانترميديت والمستوى الثالث للابر انترميديت وهذا هو اسم الكتاب
Practical Grammar المؤلفون John Hughes and Ceri Jones
لا اعلم اذا بتجدهم بجرير او لا ،، ولكن بامكانك شرائهم عن طريق امازون ،، واذا لم تستطيع ابد انا مستعد اوفر لك الكتاب ،، واذا تبين ارسلهم لك ارسلهم لكم ماعندي مانع ،، او اقابلك في اقرب رجوع لي للسعوديه وتقريباً راح يكون برمضان ،،
وصدقني اللغه امورها سهله اهم شي انت طور نفسك بنفسك ياغالي ،، اذا انت بالخبر او الدمام بآمكاني اعطيك رقم مدرس فلبيني معه جنسيه امريكي يدرس بآحد المعاهد المعتمده ،، تقدر تكلمه ويجيك بالبيت او بآي مكان تبيه وتاخذ معه براكتس سبيكنق او يشرح لك اي شي تبيه ،، الي اعرف الشهر ٨٠٠ او تقريباً الساعه ٣٠ ريال
والله يوفقكم ويسهل لكم
|