|
رد: سجل حضورك اليومي بكتابة بيت من الشعر
كم لي وأنا أعد السنين الطويـلات
من يوم ما خان الخـوي بخويـه..
وكم لي وأنا أجنى المر من فايت فات
وأضيق من ضيق الحياة الشقيـه..
يا ريف لي ونة على ألـف ونـات
ولي طعنة بأقصى حشايـا خفيـه..
وش قولك بقلب قبل منيته مـات
موت العنا ما هو بمـوت البريـه..
وألا ردي الحظ لا طاح بسكـات
وأفنى حياته بين هـاذي و ذيـه..
تكسرت فيه الأمانـي خسـارات
وش حيلته بين الحظـوظ الرديـه..
لا بان لـه نجـم ولا ليلـة بـات
وماله على رد الزمـن مقدريـه..
عينه بصيرة مير يا مـر الأوقـات
ويا شينها لا صار مالـك حميـه..
ماله وسيط يوم للعمـر ضيقـات
صاروا نشاما يوم صار الضحيـه..
يا ريف خلي ضيقة الصدر حـزات
حزة قهر نشكي النفوس الزكيـه..
وإن مر طاري للأيادي القصيـرات
تذكري من صاح صوت القضيه..
عفت الزمان وصحبتي والمسافـات
ويبقى الوفا عنوان رغم الأذيـه..
ومنك العذر قول نسجته من الذات
مير اكتبيني حزن لآخـر وصيـه..
( خلود العطاوي )
|