المشاركة الأصلية كتبت بواسطة آلمآسة آلحسآسة

من عيوني يا قلبي راح اشرح اللي فهمته من المحاضره ع شكل نقاط

كح كح << اول مره تشرح

1- اول شي لازم تعرفين ميزان المراجعه بالأرصده وانه يتكون من طرفين
أرصده مدينه وهيا الاصول والمصروفات
وارصدة دائنه وهيا الخصوم وحقوق الملكيه و الإيرادات


2- ميزانية المراجعه بالارصده يتم توزيعها دائمآ في حسابين
حــ\ ملخص الدخل و حــ\ الميزانية


3- حــ\ ملخص الدخل طبعآ لازم يكون يتكون من طرفين :
مدين ويكون فيه المصروفات
ودائن ويكون فيه الإيرادات


4- حــ\ الميزانية طبعآ لازم يتكون من طرفين :
مدين ويكون فيه الاصول
ودائن ويكون فيه الخصوم وحقوق الملكيه



نجي دحين للجدول الموجود بصفحة 235 واللي عليه اكثر من عشر اسئلة بأختبار العام

طبعآ الجدول يعبر عن ميزانية المراجعه لمحلات الهفوف:

هنا الشي الاساسي اللي لازم تعرفينه كيف تفرقين بين الارصده الدائنه والمدينه .

اللي يضيف إلى رصيدي يعتبر من الايرادات يعني أرصدة دائنه:
" المبيعات , مردودات المشتريات, مسموحات المشتريات , خصم المكتسب , أوراق القبض "

واللي يخفض رصيدي يعتبر من المصروفات أي أرصدة مدينة:
" المشتريات , مردودات المبيعات , مسموحات المبيعات , خصم مسموح به . أوراق الدفع "


هذا بصراحه اللي فاهمته اتمنى اني اكون وصلت لك لو شي بسيط
وعندك من صـ 242 لحد الاخير هنا خيارات حاولي تفهمينهم او تحفظينهم
وصدقيني اذا رجعتي سمعتي المحاضره مره مرتين راح تفهمين معاه ان شاء الله
رفعت لك بالمرفقات مراجعه عامه للمحاسبه + الاشياء العمليه بالماده والنظريه حاولي تحفظينهم وتفهمينهم انا بصراحه شخصيآ استفدت منهم
بالتوفيق