"الا جميع بنات سنة 4 اللي كان عندهم أختبار تاريخ لغة والاوتي تنطبق عليهم الصفات التالية:
ترا مسز بتووووول مستااااءة جداً منكمم
من البنات اللي كانو بالأختبار يسألؤها ع قولتها ( ستيوبد كويسشز )
أنا عن نفسي صراحة أول مره أشوفها هيك زعلانه ومتضايقة
وقسسم انها كانت شوي وبتبكي
وماتنلام طبعا من البنات اللي طلعوا وهم طايحيين سببب شنيع فيها
والا الدعاوي المخيييفه اللي سمعتها اللي أعوذ بالله وقسسم اني حتى لأعدى أعدائي ماقولها
وحاطييين كل ابوو اللوم عليها انها أسئلتها صعبة وماتنحل !!
بينكم وبين أنفسكم هل كنتو صادقات !!! "
مرحبـــــــــــــــا
انا شخصياً احترم مسز بتول و اقدر كل جهودها الي بذلتها مش هالترم بس , حتى الترم الي راح و حتى سنة اولى بعد ..
ما في احد يقدر ينكر كل افضالها و مساعداتها لنا..
و لكن بالنسبة للي صار يوم الأربعاء, صدمتني في ردة فعلها تجاه اسئلة الطالبات
و رداً على كلامك ..احب أوضح شوية نقاط :
اولاً : يحق لأي طالبة انها تسأل عن اي شي تحس انه غامض ( على الأقل بالنسبة لها ) , و المفروض ان الطالبة ما تخجل من اي سؤال - قد يراه البعض سخيف - لأن المتضرر اولاً و اخيراً هي الطالبة نفسها في حال ما فهمت ايش المقصود بالسؤال .. و بالتالي حلت غلط
ثانياً : ما في احد له الحق انه يقرر اذا كان سؤال طالبة من الطالبات stupid او clever لأن الوضع يختلف من شخص كتب الأسئلة بنفسه الى شخص يحاول يفهم المطلوب من الي قدامه في الورقة و يلقى الف تفسير لسؤال من الاسئلة .. و بعدين ترى فيها اهانة لشخص الطالبة اذا انوصف سؤالها بالـ ستيوبد .. يعني مش بس الطالبات قالوا اشياء سيئة عن مسز بتول .. هي بدورها وصفتهم بالغباء و هذا شي لا يليق باستاذة في مثل مكانتها
ثالثاً : صياغة السؤال الأخير الي عن Mulcaster's system ترى فعلاً كانت صياغته غامضة ..
كان مكتوب Don't qoute more than two examples
و احنا طول فترة دراستنا في الكلية تعلمنا نفرق بين الـ main point و بين الـ supporting example
و الـ 11 نقطة حقت مالكاستر كانت main points و كان جنب كل بوينت كلمة او كلمتين كـ example يدعمها ..
مثلاً كلمة putting تدعم نقطة الdouble consonants الي كل واحد منهم يتبع syllable
و ترى مو اول مرة مسز بتول تعجز عن توضيح المطلوب من خلال السؤال
اذا تذكرين ..
في الـ mid جابت سؤال عن الـ geographical position of the Midland district
بينما كانت تقصد الـ midland dialect
و كلمة district كانت مكتوبة في السؤال .. مش لأن البنات ما فهموه
مسز بتول مسؤلة عن جزء من تخبيص البنات بسبب السؤال الاخير الي صياغته كانت تحير .. و بالتالي , غضب البنات و قهرهم ما جا من لا شيء .. و هنا انا ما اتكلم عن البنت الي ما ذاكرت .. انا اتكلم عن الي صمت المنهج و فهمته و حلللته و استوعبته و استشعرته و حلمت فيه في نومها و في النهاية تحل غلط بسبب سؤال صياغته ما كانت واضحة
رابعاً : و هو اكثر شي ازعجني و صدمني ( و اتوقع سبب غضب البنات بعد ) هو طريقة مسز بتول في الرد على اسئلتنا ..
تبدأ بنظرة يتطاير منها الشرر و تستمر لحد ما تصل الى كرسي الطالبة الي سألت السؤال و بعدين تزفر زفرة او اثنتين تعبر عن صبر قليل ثم تجاوب على السؤال بعصبية شديدة و صراخ و في طريقها و هي طالعة تتذمر و تهزء ......
بصراحة .. توقعت تحذف علي طاولة ولا كرسي من كثر ما كانت معصبة لما سألتها سؤال ..
كانت تقدر تجاوب بهدوء و بدون عصبية ... او ببساطة ترفض الاجابة عن السؤال اذا مرة مرة تحس انه غبي و ما تبي تجاوب عليه .. ترا عادي الخيار كان لها اذا تجاوب او لا ..
خلتني اتحسف لأني سألتها .. بصراحة كنت شوي و بصيح .. مو لأني ما فهمت توضيحها للسؤال
انما بسبب الاحراج الي سببت لي اياه
****
انا ضد الي الي لجأوا الى السب و الشتم و الدعاء عليها كطريقة بذيئة للتعبير عن قهرهم
بس أكرر .. ترى قهرهم ما جا من فراغ ..
"فاللي سوت شي من الأشياء انصحها ان تروح تعتذر لها"
بالرغم اني مو منهم , بس ما اعتقد ان هالمجموعة من البنات رح يروحون يعتذرون الا لما مسز بتول نفسها تعتذر لهم عن صراخها عليهم و وصفها اسئلتهم بـ الستيوبد
ما اتوقع احد من الطرفين يعتذر .. لأننا - مع الأسف- لسنا في مدينة افلاطون الفاضلة
"ترا مسز بتووووول مستااااءة جداً منكمم
أنا عن نفسي صراحة أول مره أشوفها هيك زعلانه ومتضايقة"
لازم تتجاوز هالأزمة مثل ما احنا تجاوزناها
و اذا هي متضايقة من الي صار مرة ... احنا متضايقين مليون مرة
و احنا الي طارت درجاتنا و احنا الي ما قدرنا نذاكر poetry بسبب النفسية المحبطة
" وع فكرة قالت انها ومع ذالك بتكون كريمة بالتصحيح مع "
على كل حال .. احنا بعد نسينا ,,
او بالأحرى تناسينا ..
و رح نذكر مسز بتول بكل خير و نسولف لعيالنا و احفادنا عن انسانة عظيمة درستنا بس انها حبت تمزح معانا شوي ايام الفاينال..
No hard feelings
I hope