ياقلب فيك الضمـا دايـم معنينـي
ماتدري ان فزعت الساقي شماليـه
للغيمة اللي رعدهـا منـي وفينـي
من يجهل الغيث لا بانـت مواريـه
ياهيـه يلـي ولا مـره سمعتينـي
ماهو بكل كلمة ليا قلـت عفويـه
ياتلعة الجيد يـا خنسـا دواوينـي
يايوسفيـة نحـر والعيـن حوريـه
ياهيفا ليا من تغريف عـودك بلينـي
أمـوت بالغريفـات الخيزرانـيـه
ياخصرك اللي على قبـري ينادينـي
وان أدرك ان العمر للعبـد عاريـه
من المدمج اللي يساومني على ديني
ليا ليل ذاك الجديل ووجهك وضيه
ماغير ذاك الجمر واللولـو يغرينـي
حيث انها غاليـه واهديتهـا ليـه
لكن وحق الذي كبرك فـي عينـي
وقبل ازرعك في لذا الروحات والجيه
هذي صفاتي احب انـك تعرفينـي
ولا السبب ماتت الاسـرار مخفيـه
او يمكن اني انطعنت بماضي سنينـي
سنين عمر الفتى اللي ضيعـه غيـه
ايام حبـي علـى موتـي يمشينـي
صافي النوايا واحب الجرح والكيـه
اهيـم مـدري ويـن الله مودينـي
تدرين شلي استفدته من صفا النيـه
من اول سنين الشباب اليا ثلاثينـي
وانا انقل الخرج واثر الخرج به حيه
واليوم يوم النـدم فتـق شرايينـي
وش يستفيد الندم من صفقة ايديـه
اطلب من الله اليا منـك قريتينـي
تدرين ليه اكره العشـق وطواريـه