المشاركة الأصلية كتبت بواسطة أتـحـدى الدرآسه

سنعوسي الله يعطيك العافيه عليك شرح انما ايه يمال العافيه ..

بعد أذنكم بشرح بطريقتي

شوفو ياطويلين العمر .. الزبد وياحلاه الزبده

انا اللحين ابي اوصل لصافي المبيعات طيب ..
وعشان اوصل لها .. لازم يكون عندي أجمالي المبيعااات وبعدين أطرح منها ثلاث حاجات [مردودات المبيعات _ مسموحات المبيعات _ الخصم المسمووح به ] حلوين موو

طيب هذولا الثلاثه كيف اطرحهم ..

راح اجمعهم مع بعض ثم عاد اجيب شسمه اجمالي المبيعات واطرحه منهم .. وبالأخير يطلع لي صــافي المبيعااات .. عووولم

يلا نحلها بالأرقااام ..



الســؤال يقوول ..

إذا توافرت لديك المعلومات التاليه عن منشأه صالح التجاريه ..
إجمالي المبيعات 440000 _ مردودات المبيعااات 20000 _ مسموحات المبيعاات 10000 _ خصم مسموح به 10000_ تكلفه البضاعه المتاحه للبيع 240000 ريال .. من تلك المعلومات فإن قيمه صافي المبيعات تبلغ ::

الحــل ..
اجمالي المبيعات = 440000
طيب نجمع [مردودات المبيعات _ مسموحات المبيعات _ الخصم المسمووح به ]ناتجهم = [20000+10000+10000 = 40000]
الناتج اطرح منه أجمالي المبيعات
440000 - 40000 = 400 ألف ريال .. وهذا هو صــافــي المبيــعات ..
إن شاء الله وفقت بالشرح

موفقييييييييييييييييييييييييييييييييييييييين ..