نبدأ في شرح الجدول اللي بعده
حنّا قلنا ان المصروفات دائماً في قائمة المدين <<< أوكي
والإيرادات في قائمة الدائن
طيب مثل ماشفتي الجدول اللي في صفحه 5
حط لك مخزون اول الفتره حق السنه الماضيه لأنه مدفوع حسابه يعني مصروف
بعده حط لك المشتريات يعني مصروف حسابه بمعنى ابسط المنشأه دفعت لأجل تشتري ويعتبر مدين
كذلك مردودات المبيعات وهنا ابي اعطيك قاعده ان المبيعات في قسم الدائن ولكن بناته << انا سميتها كذا عشان احفظها > بناتها اللي هم مردودات المبيعات و مسموحات المبيعات لازم تكون عكس امهم في المدين ، ادري بتقولي ليش >> طيب لحظه حبه حبه المبيعات الحين ارباح يعني في قسم الدائن حلو ! طيب يوم يصير هناك مردودات مبيعات هذا يأثر على المنشأه لأنه راح يكون عيب في المنتج او السلعه وبكذا المنشأه اشترت هذه القطعه ولكن اللي اشترى منها اكتشف فيها عيب ورجعها واخذ فلوسه يعني صارت هذه السلعه عبء على المنشأه أما من ناحية مسموحات المبيعات فهي نفس هذه السلعه اللي فيها عيب ولكن باعتها المنشأه على اللي ردها لأجل عيب فيها ولكن بسعر اقل وقد يكون اقل من سعر التكلفه ايضاً وهذا يعتبر ايضاً عبء على المنشأه
الخصم المسموح به يعني المنشأه سوت خصم للعملاء وقللت من قيمة السلعه اللي هي تبيعها لهم وبكذا صار كأنها تدفع الزياده اللي هي مبلغ الخصم عن العملاء وبكذا صارت كأنها تصرف
ايضا مصاريف النقل الداخل
ياليت تركزين كمان على الجهه الثانيه اللي هي الدائنه وراح تفهميها على طول مجرد انك ركزتي على الشرح السابق
اتمنى لك التوفيق يالغلا واتمنى اني وصلت لو شيء بسيط من اللي تبغينه
عن اذنك ابي اذاكر وإذا لك اي سؤال او استفسار حطيه هنا وبإذن الله راح ارجع لك