|
رد: إلينا التي قصمت ظهر البعير
أولاً .. انا مانزلت المادة هالترم ولكن يعلم الله اني لما سمعت الإشادات بالدكتور من بعض الزملاء اللي اخذوا المادة هالترم تمنّيت اني نزّلت المادة ..
ثانياً .. بغض النظر عن تفاصيل جميع ماحصل في الامتحان .. ولكن لايوجد أي مبرر للإساءة والتطاول بألفاظ لاتليق بأبناء شوارع فما بالك بطلاب علم في صرح تعليمي كبير كجامعة الملك فيصل .. إضافة إلى أن الإساءة ليست لطالب وإنما لدكتور !!
اذا ما احترمت الدكتور لأنك أحد طلابه .. فأقل شي احترمه لكونه أكبر منك سناً .. وأتوقع كلنا تربينا على هالشي وتعلمناه من ( شيباننا الله يطول بأعمارهم ) بمجتع مثل مجتمعنا السعودي اللي للأسف لايزال بعض الأطفال وصغار العقول يعكسون صورة سلبية عنه !!
رجاء من الإخوه والأخوات اعضاء المنتدى .. فكونا من سوالف المبزرة اللي بعد كل امتحان ماتدخل المنتدى الا تلقى ستين ألف موضوع من الطلاب اللي ماحلوا زين وكلها شرشحة بالدكتور .. ياخي اذا ماحليت زين لوم نفسك ولا تلوم غيرك وخل عنك أسلوب اللطم وشق الجيب !!
وأخيراً .. عتبي كبير على المشرفين اللي مخلين مثل هالاشكال اللي حوموا تسبودنا وصجّونا بكثرة مواضيعهم وبربرتهم اللي مالها سنع !!
|