خالد: والله هذا واحد شفته في المطعم متوهق ماعنده فلوس يدفع الحساب ودفعت عنه ودعيته هنا في البيت عشان اتعرف عليه شكله ولد حلييو وصارت سالفة بنتك ذاك اليوم عاد اهو اليوم جاي لحاله يخطب بنتك سويره المفهية شكله صارت في بيتنا حالة من هذا الي يسمونه الحب من اول نظرة
انتي شنو رايك بالموضوع يا ام منصور
لطيفة : والله الراي رايك يا بو منصور بس ما يصير نرمي بنتنا هذي الرمية لازم نسأل عن الرجال عدل وين يروح وين يجي ومع منو يمشي وشنو يشتغل وكم راتبه حتى لو تقدر تجيب رقم فانيلته ترى مهم بعد
خالد : على العموم انا قلت له روح جيب ابوك وتعال لا تجيني لحالك يد ورى ويد قدام كنك مقطوع من شجرة وعلى ما يجيب ابوه نشوف شنو نقدر نسوي
شوي الا بدخلت سويرة عليهم
كان يقول خالد حق لطفوه سكري سكري الموضوع للحين ما صار شي ليكون تروح فيها البنت هذي مراهقة الحين تعشقة ما عندها وقت ذي
سارة : على فكرة ترى انا سمعت كلامكم كلة وانا موافقة واذا تبون الملكة والعرس بكرة ما عندي مانع
كان يقوم عليها ابوها خالد بالعقال وهاك يا تلشط واهي تنحاش واهو يلحقها < توم وجيري > وتوصل المطاردة لعند باب البيت كان تفتح سويرة الباب تبي تنحاش برى الشارع وبس فتحت الباب كان تشوف حامد زيد واقف عند الباب اهي اخترعت اول ما شافته ودخلت داخل بس ابوها كان معصب وطلع الشارع ومسك حامد وهاك يا تلشيط ويقول له لا عاد اشوفك واقف عند باب بيتي روح جيب ابوك يا ملعون الوالدين وتعال
هذا الي ناقص عشق وغرام عند باب بيتي
يالله انا تعبت من الضحك الي بعدي يكمل لما يرجع حامد العاشق مع ابوه
باي