ول ول ول
السلام عليكم للبنت المحاميه اول شي
ثاني شي انا قريت اعتذار الدكتور مرتين وبتمعن
وقريت موضوعك وقريت كل الردود لين وصلت صفحه 15
وللمعلوميه انا ما اخذت الانقليزي الترم هذا
الحين انا ثالث ترم
الترم الاول جاني انقليزي اجباري وسقطت فيه
الترم الثاني ما اخذته ولا الثالث اخذته
بس لاحظت ان الدكتور نزل ملخصات حلوه وندمت قلت ليتني اخذته
فجأه اخوي اول ترم طلع من الاختبار زعلان يقول الدكتور نصاب ومن هالكلام قلت ليه ؟
قال جاب لنا المحذوف وقلت استحاله وقام يحلف والله اني ما صدقته
رحت للموقع كلهم يسبون ويطالبون ..؟
يعني من المبدأ ومن الاساس كل واحد بيقول السبب الدكتور
لكن بعد تصريح الدكتور والتوضيح الكامل الي اكتبه
انا كطالب ليه اتحمل مسؤوليه الاخطاء ..؟
بتقولين الاسئله تسربت ..؟
هذا غلط اداره الجامعه مو غلطي
بتقولين عاد تسربت وصار الي صار ولازم تتغير
اوكـ اتفق معك تتغير الاسئله حلو
بس ليه ما تتغير الاسئله ويجي من المنهج المحدد
يعني معقوله المنهج المحدد كله جابه الدكتور يعني الي حدده جاب منه بعض الشي لانه حدد كثير
خلاص يحذف الجزء الي تسرب منه الاسئله وتوضع اسئله من المنهج المحدد
ليه يجي منهج محذوف .. طبعاً هذا دكتور جامعه قال هذي محذوفه من الطبيعي اني ما اذاكرها
بتقولين الدكتور حلف انه ما يدري وما علموه اللجان
ارجع واقولك وش ذنبي انا كطالب اذا اللجان ما تعتبر للدكتور اهميه ووجود ..؟
طيب انت يا دكتور وكل دكتور جامعه له اهميه ووجود ويفرض شخصيته حسب مكانته بالمجتمع
لو اللجنه تعتبر للدكتور اهميه راحت وفهمت وقالت يا دكتور الاسئله تسربت ويعطونه وقت وجيز يسوي اسئله جديده غير المسربه من منهجه المحدد
وبالاخير يقول ما علموني اللجنه وصار الي صار
طيب هذه كلها اخطاء تتحملها الجامعه ما اتحملها انا كطالب
تسريب الاسئله خطأ إداري
تغيير الاسئله خارج النطاق المحدد خطأ فني
عدم الرجوع للدكتور في حال تهريب اسألته خطأ عمادة الجامعه بكبرها
هذه كلها اخطاء تخص الاداريين والفنيين وعماده الجامعه
يعني انا كطالب ما يلحقني اي خطاء ولا ارتكبت اي خطأ ليه ارسب بالماده ..؟
انا رجل بالعربي مطفر واشد حيلي بالمواد عشان ما ادفع رسومها مره ثانيه
اروح اضغط على نفسي واجمع وحالتي حاله عشان اعيد هالماده بسبب اخطاء الجامعه
خلاص اي احد يرتكب خطاء يتحمله
بس اخطاء غيري ما للجامعه ولا لعمادتها ولا للدكتور ولا لك يا محاميه انكم تحملوني اياها
خلاص ارتكبتوا خطاء والخطأ منكم تحملوه بحالتين ..؟
1- الاسئله التي جاءت من غير المحدد تحسب بالاجابه الصحيحه للطلبه < بتقولين صعبه ؟
2- اللي يحمل ماده الانجليزي الترم هذا يكون رسوم الانقليزي ملغي عنه الترم الجاي .
لان كل رجل يحتمي في كلمه يقولها
واذا ما قدر يحتميها مستحيل ينفع تبرير الموقف خاصه موقف كهذا
لان تضرر اكثر من 20 الف طالب
و 20 الف × 2 عدد الساعات = 40 الف
40 الف × 165 الساعه الواحده = 6600000 سته مليون وست مية الف
هذي ميزانيه كامله ليه تكون لصالح الجامعه مع انها مخطيه بهذا الشيء
اتمنى ان تقرأي كلامي كامل
وتقنعيني لو 1% واكون شاكر لك
وعلى فكره قبل لا ارحل
طرالي شي بقوله
مسأله استقاله الدكتور انسيها
والله مستحيل يستقيل لان ما فيه احد يصد عن الرزق الي يعيش اهله منه
هذه تسمى سياسه جامعه
مقتبسه من سياسه الدول وما يحدث من التنحي عن مناصبها
آعتذر عن الاطاله ... فأنا فيلسوف في علم النفس