|
رد: رابع مناهج .. مبروك الرسوب مقدمآ !
وش نفلهاا يالساجده !! هم خلو فيها فلله
حنا الانتساب محد يدري الثمن اللي جالسين نحطه علشان نكمل وناخذ الشهاده نهايتها اقرب زباله جنب البيت
هذا اللي خلا عيالنا وبناتنا ايهربون برى التعقيد اللي عندنا والنحاسه تدرون انا وش مشكلتي !! اني احب الدين
بس لو امريكا يفتحون عندهم قسم دراسات اسلاميه والله كان رحت ومره وحده اسحبها مجستير
اجل يرضيكم الحين 8 سنين وماتخرجت وصار عندي 3 اطفال اكبرهم المفروض يدخل اول والحين بخلونه تمهيدي
بسببي لاني في جده واجي من جده واخليه يغيب عن دراسته في مدرسته انترنشينول علشان اجي اختبر
تاثر مستواه بسبب الغياب وروحة الدمام لانه لازم يعرف اساسيات الانجليزي وقلت يالله طلب علم لي
فوق هذا ندفع تذاكر 4000 ريال علشان اجي انا وعيالي وزوجي يوصلنا
فوق هذا نستاجر سياره 120 في اليوم وقلت يالله طلب علم لي
زوجي يرجع ويتركنا واقعد في البيت لحالي مع 3 اطفال وشغاله خايسه اي هندي تشوفه مستعده تدخله
فوق هذا ساكنه في مكان حولي كله بنيان وعمال اخاطر بنفسي يالله طلب علم
فوق هذا استاجر سواق يوديني الكليه واحاول انه مايحس اني لحالي في البيت
اولادي 3 جبتهم وانا ادرس يعني مرة علي فتراة حمل وتعب واقول اجر وطلب علم وجهاد
فوق هذا طفلي الاخير توني جايبته قبل شهر وعمليه قيصريه والحين اوديه الصبح عند اختي اول وبعدين اجي الكليه
وفي كل اطفالي هذا وضعي
لما زوجي طفشش  وعصصب وقالي خلااااااص مافي كليه مانبيها تعالي ادرس على حسابي في جده 
انجليزي او ادارة اعمال انا خسران فلوس في الحالتين
قلتله انا صبرة علشان احب العلم الشرعي بس الحين بعد ماشفت النحاسه من بعض الدكاتره ماعاد ابي اكمل بطلع  بس وصلت رابع والحين باقيه اكيد بحاول اتخرج هالسنه
بعد اختبار المناهج شكله وراي سنه ثالثه في رابع واختنا الساجده تقول فلوها
بعد نسييت فوق هذا اشحن كنكت علشان اتواصل مع موقع الكليه
فوق هذا تجي وحده من الدكاتره تقول لايمكن اساوي بنات الانتساب نايمين طول السنه
مع الانتضام اللي يحظرون يوميا
والله والله يابنات لو ماوصلت رابع لأطلع وادرس بفلوسي اي مجال ثاني واسجل في مدارس تحفيض القراءن
وخلاص ليش كل هالتعب والمذله
|