|
رد: رابع مناهج .. مبروك الرسوب مقدمآ !
من جد معـــاناه هنــا الفهد  الله يصبرك ..
يعني لو الدكتورات يراعووون اوضاع البنات سواء انتساب او انتظام كان هانت لكنهم يعقدوون الامور حتى لو كانت سهله مدري ليه ساعات احسهم حاقديين ...
كله ولا اللي تقول ماتساوي المنتسبة بالمنتظمة ليه ياختي وش الفرق ندرس نفس المنهج لا وحنا فيه اضافات بعد ونختبر نفس الاختبار ... الفرق الوحيد ( انهم يحضروون كل يوم يشوفون خششكم اللي تفتح النفس .. وياخذون مكافات ) بس
اما كل شيء متساوي
على الاقل هم ماتقدرون تظلمووونهم كثر الانتساب لانهم يقدرون يحاجونكم بدرجة اعمال السنة اما حنا جميع الارقام سرية مانعرف كم جبنا والا كم درجتنا ولا شيء بس نعرف اننا بالاخر راسبين وجـــع جعل تلقونها في اخرتكم ماراح احلل اي وحدة ظلمتني ابد
وش تخسر الدكتورة لا نزلت منهج يفتح النفس ومرتبة صفحـــاته ولاهو مشخبط والنقاط واضحة ... وتنزل اسئلة محلولة توضحة على الاقل اسلوبها وطريقتها بالاسئلة وكان الله غفورا رحيما
..>>>> هالسنة لاحظت الدكتورة فاطمة الكلثم ( اصول الفقة ) نزلت للمادة ملزمة مررررااا مرتبة والنقاط واضحة جدا فيها والصراااحة من اول ما دخلت الكليه لين اخر سنة ما قد درست الاصول بهذي الطريقة المريحة والواضحة وحبـــــيت من خلال هالموضوع اني اعلق واشكرهــــا من جد الله يكثر من امثالها في الكـــليه .... نادرة الوجود 
>>> تصدقون اني ما اعرفها 
وبالنسبة للاخت هنا الفهد اهنيك على صبرك وتحملك المفروض يعطونك شهاده اضافية على وثيقة التخرج 
وياريت اغلب البنات مثلك يعبرون عن معاناتهم سواء كنتي منتسبة او منتظمة عشان توضــح الصورة اكثر للكل
من طالبات ومن دكتورات ومن مسئولين
تتضح صورة معاناه بنـــات الاداب  وتكون واااضحة
|