وخلصنا من سالفه الصور ""

ودي ادخل بالكلام شوي " من اول ابي اتكلم "

في كذا موضوع قاهريني حبتين " من بعض هالناس في هالأيام "

هو هالشي ماصار لي الحمد لله بس قاهرني "

بقولكم موقف وحده قريت سالفتها بمنتدى " من المنتديات

تقول "

هذه زبده موضوعي الي ابي اتكلم عنه ""

الحين وش سالفه بعض هالناس ؟؟

هذا ابيض هذا اسمر هذا اسود طيب وين المشكله ؟؟

مو كلنا اخوان ؟؟ واخرتنا وحده الي هي قبر وحساب وعقاب او جزاء ؟؟

والله ربي يوم القيامه ماراح يقول الأبيض يجي هنا والأسمر هناك والأسود ينتظر ورى "

كل واحد بحسب اعماله وتقوته ونيته وصفاء قلبه - ان اكرمكم عند الله اتقاكم -

ليه احنا الشعب الخليجي كذآآ والشعب السعودي بالأخص "

مسوين احنا الي فاهمين وعارفين وكرامتنا فوق كل شي " الحمد لله والشكر بس ربي خالق لبعض الناس عقول زينه

مايفكرون فيها ابد ماخذه اجازه مؤبده هالعقول "

ليه المجتمعات الغربيه مو زينآآ ؟؟ عادي عندهم ابيض اسمر اسود و بعد يتزوجون بعض

مو احنا يوو لا عيب وشو ابيض يتزوج سمرآآ يوو فضيحه ياربي محد بيكلمه بعدين ولا يطالعه اذا اخذها حتى لو كان يحبها ويبغاها "

ولا عياله لو جو سمر يوووو بيعارونهم ياعيال السودآآ يا عيال مدري ايش

ولا بنات هالوقت : انا ابي واحد طويل - جنتل - كشيخ - عنده فلوس - وابيه اسمر مابيه ابيض وع الأبيض "

<< سبجان الله "

ويكون هي قشششششطه بس ماتبي ابيض "

ولا ثانيه

ابي واحد طويل ومعضل وسيارته كشخه وحنطي

<<< بالله يختي ؟؟

والثالثه نفس كلامهم بس تقول لا ابيه ابيض لأني مو بيضه

<< احلفي بس ؟؟

وكلهم لا جاء الجد مايبغون ولا واحد من الي قالو عليهم وكل واحد يجيها رجال ولا تحلم انها تاخذه

الوحده تقول / يارب ارزقني بالرجال الي يحبني ويعيشني عيشه حلوه يكون مصلي مسمي يخاف علي "

ولا الشباب يووو يووو

ابيها زي الممثله الفلانيه و ابي لونها برازيلي وابيها واخرتها ياخذ وحده عاديه


يازين الشباب الي ما يتشرطون ياحلوهم والله "

يقول ابي وحده تصونني وتحفظ بيتي وعيالي " وتخاف الله فيني "

مو شباب هالوقت

الأجانب الي بأمريكا وضواحيها يازينهم والله " الي يحبونها يتزوجونها ماعليهم بيضآآ سودآآ عادي عندهم اهم شي القلوب "

شوفو هالصوره "



هذه صوره ولد قد شفته مره بالسوق

ابوه ابيض وامه لو تشوفونها من جد سبحان الله لونها لون العبايه وشعرها ليييييفه وخشن "

بس تزوجت هالرجال وجابت هالولد الي قاعد بحضن ابوه "

مره رحت المستشفى وشفته ياعمري كبر يوم شفته كان بيبي حيل "

قلت لها ممكن اصوره قالت اوك وعطيتها جوالي وصوته هو وابوه " اسمه ( بيل )

من جد مجتمع جميل ناس تدور قلوب وحب مو زي الي عندنا سواء بنات ولا عيال يدورون اشكال ومظاهر

ترى المظاهر خداعه

وش الفااائده واحد يهبل واخلاقه وعووع ولا وحده تجيب العاااافيه قمر منزل واخلاقها استغفر الله "

الي مايعرف يلبس نعلمه

والي مايعرف يكشخ نكشخه

والي شكله غلط نعدله له "

كل هالأشياء يبغآآ لها فلوس بس "

لكن القلوب الصافيه من وين نشتريها ؟؟؟

واذا شريناه شدرانا اصلي ولا لأ ؟؟

ولا سالفه القبايل " هههههههههههههههههاي "

يضحكوني الي يقولون احنا قبايل ومن الفخذ الفلاني واحنا واحنا

طيب وش المطلوب يعني ؟؟

قبايل طيب ع عيني وراسي وبعدين ؟؟

في ناس قبايل والله ولا يجيبون هالطاري لأن ماله داعي الغرور الزايد

وفي ناس استغفر الله بس الله يهديهم "

اعرف مو بس قباايل اعرف ناس هاااااي هااي امراء واميرات وجلست معاهم بنفسي يازين التواضع الي فيهم

الأميره الفلانيه والأمير الفلاني "

ماقد قالو احنا كذا وكذا ولو بنات عمه امي ماقالو لي ان هذه اميره كان ماقصدت "

كلنا بنموت وربي بيحاسبنا " مدري يمكن سبحان الله القبايل بيكونون ع اليمين والي مو قبيلي ع اليسار

والي نص ونص ينتظرون ورى

ليه احنا كذا ليييييييييييييه

بـ هالوقت الناس تدور قلووب وتحاول تصيدها لأننا ماصرنا زي ايام اول ابد ابد "

صار كل همنا هذا حلو وهذه حلوه ونبي نتقرب منهم ع اساس هالشي "

وين الأخلاق وين الكرامه والشهامه حقت ايام اول ؟؟ وين النخوه والمروه

<< عااشت دفوووفه عطيهم عطيهم

كل هذا كوم وسالفه الي يتطنزون ع اسامي العوائل بكوم

مطيري مدري ايش وزهراني مدري ايش وغامدي مدري ايش وعنزي قحطاني مري دوسري مدري شو

من جد ماتستحون ماتركتو احد بحاله "

مابقآ احد ماعايرناه بعياره محد سلم مننا

لو هندي مدير شركه وعنده فلوس الدنيا وغلط غلطه قالو = هندي ماعليه شرهه

حتى واحنا سعوديين نعاير بعض ب هالشي

اي شي يصير نقول - سعودي ماعليه شرهه -

هههههههههههههههههههاي حتى انفسنا ماسلمت مننا "

انا مدري ليه كل شي يتطور الى العقليات تتم ع ماهي عليه وتزيد تحجير ومستحيل تتطور "

ياجماعه كلنا اخوان ابونا ادم ( اسود ) اومنا حواء ( بيضاء )

جينا كلنا من سلالتهم نصنا ابيض ونصنا اسمر ونصنا اسود "

مدري في قصه بس ناسيه لمين "

المهم هو واحد شديد الجمال ومثقف حب بيوم يتزوج دعآآ ربي قال في ما معنى كلامه

انه يبي وحده ماتقل عليه بثقافته وذكاءه وتعليمه "

وتزوج وحده ( شيييييييييييييييييييييييييييييييييييييييييييينه شينه شينه ) لكن ماهمه هالشي

لأنها كانت تفوقه بثقاتها وذكائهااا " ما اكترث لشكلها ابدآآ " فكر بشي ثاني الي هو مستواها التعليمي "

وجابت له عيال يقولون للقمر وخر واحنا مكانك طلعو ع ابوهم كلهم "

ربي وفقه واستجاب دعوته " وحقق له الي يتمناه "

اتمنى من العقول المحجره انها تتطور لو شوي "

الي سافر برى ودرس ورجع يقول انا انسان متفتح ولا جاء وقت الجد تشوف هالتفتح
الا تحجير وربي عقله ع ماهو عليه

ما اقول الا الله لا يبلاني بواحد مدري وش يحس به "

ان جاني ابيض اسمر اسود حياه "

الي ربي كاتبه لي بأخذه وربي مايكتب لي الا كل خير وانا راضيه بـ هالشي "

<< بس خلاص غيري السالفه يختي نبي شي يضحك