2011- 6- 10
|
 |
صديق الملتقى
|
|
|
|
اجي داره واوقف عند جاره = واقول لجار داره وين جارك
هذه القصيدة .. للعلم عبدالله بن نايف بن عون .. يصف معاناته مع شريكه ( مبارك ) في مزرعه 
ورطـــنــــا ورطـــــــةٍ / مــاتــنــتــدارك
بــمــزرعــةٍ / عــســاهــا مــاتــبــارك
نـفــود ٍمـــن ورى / وادي الـدواســر
ذكــرهــا طــيــب الــذمـــه / مــبـــارك
ذكرهـا واحسـب انـه / ناصـح ٍ لــي
يقـول اشتـر / وانـا وانــت نتـشـارك
عـرض لــي فـكـرةٍ / معـهـا خديـعـه
وقـــال الـعـلـم يــرجــع / لاخـتـيــارك
وتوكلنـا عـلـى الله / فــي رجــا الله
وانــــا سـلّـمــت / ومــبــارك تــــدارك
ثــلاث سنـيـن / ماجـانـي حصـيـلـه
وهــو عــن جـيّـتـي / قـــام يـتــوارك
وتـبـاطـيـتـه / ودورتـــــه / وجــيــتــه
وقلـت انـتـه / وراك ابـطـت خـبـارك
واجـــاب بـقــول / مــزرعــةٍ كـلـيـفـه
بعيـده / عـن وطـنـك وعــن ديــارك
وانـــــا بـعـطـيــك راي ٍ / لا يـفــوتــك
بــراس الـمـال بـعـهـا / مسـتـشـارك
وقــلــت الله يــبــارك لــــك / ولــكــن
تـــرانــــي يــامــبـــارك / فـانــتــظــارك
ولا ابي من مالك الا / راس مالـي
وعـسـاهـا يـامـبـارك / لـــك تـبــارك
وثـلاث سنـيـن / مــع درب الاوايــل
وانـــا ويـــا مـبــارك / فـــي مـعــارك
لــيـــا مــنـــي نـصـيـتــه / مـالـقـيـتــه
الا لاعــــادك الله / مــــن مــشــارك
اجـــي داره واوقــــف / عــنــد جــــاره
واقـــول لـجــار داره / ويـــن جـــارك
ويـجـيـب بـقـولـة / الـجـيـران واجــــد
بـــلا تفـنـيـد / خـلــك فـــي مـســارك
واقول اقصد قصيرك / طير شلوى
مـبـارك / قـــال مـنــه احـفــظ زرارك
تـــرى عمـلـتـك / للمـشـفـوح مـثـلـه
تـقـلـل مـــن مـقـامــك / واعـتـبــارك
كــذوب / يـواعـد العـالـم / ويخـلـف
عرفـت العلـم / قلـت اربـط حمـارك
تحياتي
|