يوم السبت " بعد الحدث الي صار ""
ساره / دخلت الفصل ووجهها اصفر وتعبان وساكته وهاجده مو عادتها " هالشي
جاها صديقاتها وقالو ساره شفيك ؟؟
ساره / تتبسم وتناظرهم وتقول ولا شي
وبدآ الأختبار حقها " اذكر كان عليها مكتبه : وتوحيد "
والحمد لله عدآ اليوم ع خير واخترت وخلصت وجابت 15/15 الحمد لله "
ويوم خلصو جو بنات جيرانها قالو ساره فيك شي مو عادتك طول اليوم ساكته ؟؟
ساره/ تناظرهم وعيوونها كلها دموع وتقول - امي طلعت من البيت -
بنات جيرانها / جاتهم حاله ذهول " وماقدرو يردون ولا يقولون شي
شوي ساره ماقدرت تمسك نفسها قامت تصيح بدون شعور وشوي جاء سواقها وراحت للبيت "
نزلت من السياره وجلست تناظر البيت "
تقول بخاطرها / معقوله ادخل وامي مو داخل ؟ الا الا اكيد رجعت اصلا امي ماتخليني
ودخلت البيت
ساره / يمه يماااااه ردي علي يايمه الله يخليك قولي انا رجعت يمه تعالي ياايمه ابعلمك وش سويت بإختباري
يا يممممممممممه ردي علي
لين طاحت ع الأرض وهي تصارخ " شوي اقتنعت ان الساله الي صارت امس من جد ماهي حلم "
استجمعت قواها وطلعت غرفتها وهي تمسح دموعها وماهي عارفه وش تسوي " ولا تكلم احد لأنها كانت من النوع الي ما يشكي الا لأمها فقط
ساره/ ياربي وش هذا الي صار
وش اسوي الحين ؟؟ تفكيري مشتت وش اسوي اخواني الحين بيجون متعودين يجون ويتغدون "
انزل اصلح غداء ؟ ولا وش اسوي طيب ياربي انا ابي امي ياربي خلها ترجع لنااا ماني متخيله البيت بدونها
انا ابيها ترتاح من ابوي بس مو تروح وتخلينا ياربي عيوني يوجعني من كثير الصياح بس صياحي ما بيجيب فايده "
شوي دق جرس البيت "
جاء اخوها نايف من الروضه
نزلت فتحت له الباب نايف متعود امه الي تفتح له "
سلم ع ساره وقال وين ماما ؟؟
ساره / خنقتها العبره وقال راحت بعد شوي بتجي شوي جلس ع الأرض وفتح شنطته وطلع شوكلاته وقال جبتها لماما وينها ؟
ساره / ضمت نايف وقالت انا اعطيها ماما انت اطلع فوق وبدل ملابسك وانزل عشان ناكل "
نايف / لا تنسين تعطينها انا قلت لها بجيب لك هديه "
ساره/ ان شاء الله حبيبي
وطلع نايف والعبره خاانقه ساره "
راحت فتحت الثلاجه لقت فطاير امها كانت مسويتها يوم الجمعه " قامت تناظرهم وتقول ماودي اكلكم عشان
تكونون ذكرى لي من بعدها "
المهم " وجات اختها واخوها " وسوت غداء خفي وتغدو كلهم "
راحت وغسلت المواعين واخوانها راحو ينامون " مسكن نايف وذاكرت له وذاكرت لبدر وفجر وجلصت منهم "
ساره حست ان مسؤليه البيت صارت من تخصصها
ونامو وقامو المغرب وهم جوعانين طبعآآ ساره كانت نايمه من التعب "
راحو قعدوها قالو احنا جوعانين نبي ناكل " قامت المسكينه وتوضت وصلت ونزلت سوت لهم شي ياكلونه
والساعه 10 ابوها رجع من دوامه وشافهم قاعدين قال تعشيتو ؟
كلهم قالو ايه "
ابو ساره / يناظر ساره ويقول في احد دق ؟
ساره / لا
ابو ساره / كذابه
ساره/ والله محد دق
ابو ساره / لازم اشتري كاشف عشان اشوف من دق ومين مادق " لأنك حماره وكذابه ومافيك خير امك ماطلعت من البيت الا بسبتك ياحيوانه
ساره / تناظر الأرض وعيونها كلها دموع ماتقدر ترفع صوتها بوجه ابوها "
ابوها طلع وبدل ملابسه وتعشى وجلس بغرفته "
راحت ساره تنوم اخوانها وتذاكر اختبار يوم الأحد طبعآ بدون نفس ولا كان لها خلق ولا كلمه بس لازم تضغط ع نفسها "
شوي جاء ابوها بغرفتها وقال :
ابو ساره / والله لو تعلمين احد بالي صار قسم لا ادوس راسك بسيارتي تسمعين ولا لأ لو قالو وين امك قولي ما تبينا رمتنا وخلتنا وراحت "
ساره /
ابو ساره / سمعتي وش قلت ؟؟
ساره/ طيب هي مارمتنا
ابوها / الا اصلا لو تبيكم كان مراحت
ساره/ انت طقيتها طيب ودايما تزعلها وتحبسها بالحوش وتقولنا لو فتحتو لها الباب ياويلكم وكل يوم تتهاشون وصوتكم واصل لين غرفتي ماكنت اعرف انام من صراخكم
ابو ساره / كله منها لأنها كانت تقولي انا مابيك انت وعيالك و
فجأه ساره قاطعت ابوها وقالت
ساره / لالالالا امي تحبناا انت الي ما تحبنا دايمااا تخليها تصيح قدامنا ترى انا عارفه كل شي
ابو ساره/ بدون شعور صفق ساره كف " ومسكها مع شعرها وقال والله لا اذبحك لو قلتي لأحد هالكلام
وطلع من غرفتها وسكر الباب "
ساره / آآآه بس ياربيوش هالحاله الي انا فيها
استغفر الله ياربي انا وش قاعده اقول " مايصير اقول الا الحمد لله ع كل حال
بس انا تعبت والله ياربي تعبت كملت شهر ونفسيتي تعباااانه " وحده تشوف امها تجمع ملابسها وبتطلع وبتروح وتخليها وش بيصير فيها ؟
والإختبارات ذي مره وقتها غلط مره مو قادره استوعب حرف والله " ودي اطلع من البيت عشان استوعب وش اقرى "
بروح عند ابوي بقوله بكرى برجع ع بيت جيرانا عشان اذاكر لا خصلت برجع البيت
شوي دق تليفون البيت "
جارتهم ام وليد "
ام وليد / الو السلام عليكم ممكن ام ساره ؟
بو ساره / آآآ آآآ بعطيك ساره دقيقه
وجااء لبنته يركض قاله لا تقولين امك وين قولي امي سافرت
ساره/ بخاطرها - استغفر الله يارب - كل همه محد يدري عن سواته "
الوو هلا خاله "
ام وليد / وين ماما يا ساره
ساره/ امي سافرت لبيت جدتي "
ام وليد / يوو غريبه كلمتها قبل كم يوم ماجابت طاري المهم حبيبتي بكرى الجيران بيجون عندي تعالو انتي واخوانك
ساره / ان شاء الله خاله "
وسكرت الخط
بو ساره / وش كانت تبي ؟؟
ساره / تقول تعالو عندي بكرى الجيران بيجونها "
بو ساره / ايه اشوى عادي روحو اذا تبون "
ساره / تناظر ابوها وقلبها يتقطع من الألم وراحت لغرفتها "
وجاء ثاني يوم كان اخر يوم لساره بالإختبارات "
ساره/ انا لله يعني مابروح اذاكر عند احد ؟؟ يلا مو مشكله اذاكر بالبيت وعقب البس والبس فجر ونايف ونروح
وجاء ثاني يوم وراحت اختبرت ورجعت البيت سوت الغداء وانتظرت اخوانها ونايف كل يووم - وين ماما وين ماما -
وكل يوم عذر غير " عشان يهجد
وقتها كان عمر ساره 18 سنه " وماهي متعوده ع مسؤليه البيت بشكل رسمي " لكن كانت تحاول "
تجي البيت كل يوم وتروح لغرفه امها وتمسك جلال الصلاه حقها وتشم فيه ريحه امها وتصيح "
المهم جاء العشاء لبست ولبست اخوانها وراحو بيت الجيران "
من دخلو البيت ع طول نايف قام يركض ويناظر الحريم ويقول وين ماما ويركض للمطبخ والمخزن والصاله وهو يصارخ ماما تعالي احنا جينا
ساره/ قامت تناظره وتقول بخاطرها - نايف مشتاق لأمي -
ياربي بس مابي اصيح مابي احد يدري اخاف اصيح والجيران يدرون والله ابوي يكفخني "
شوي دخلت وقالت نايف ماما ساااافرت بتجي بعدين خلاص عيب كذا "
كانت وحده بس من بنات جيران ساره هي واختها الي يدرون ان ام ساره راحت وقالت لهم ساره لحد يدري "
دخلت وفصخت عباتها وجلست مع البنات " وحاولت تنسى سالفه امها "
ويوم جاء العشااء كل بنت راحت جنب امها وجست عندها تمت ساره واقفه مكانها تناظرهم وتتبسم تقول بخاطرها
(( ياحظكم كل وحده امها معها تناظرها وتمسك يدها وتأكلها )) آآآه ياربي الحمد لله ع كل حال "
وجلست ساره ومعها اخوانها وتعشت وخلصو وعقب قالت خلاص لازم اروح البيت عشان اخواني ينامون وانام انا وراي اختبار بكرى اخر يوم
ورجعت ساره لبيتهم ونومت اخوانها " ونامت "
الحين تبدآ قصه ساره بشكلها الرسمي "