رنا / طيب هاتي
ساره / لا كلميه قدامي هنا عشان اسمعك "
رنا / طيب هاتي :: الو هلا حبيبي :: لا بس ساره تضايقت لأني ماعلمتها انك واحد وقالت تبي جوالها "
والله : والله جد :: بتطلع لي جوال :: ياعمري انت يا حبيبي :: اليوم بتجيبه عند باب بيتنا ؟؟
ياعمري ربي يخليك لي ولا يحرمني منك "
ساره/ ياويلي ويلاه ويعرف بيتكم بعد ؟؟
ريهام / يووو ياماجانا البيت وامي مو هنا ودخلناه وعشيناه ويطلعنا ويمشينا
ساره/ اووووووووووووووووووووووووووف اوووووووووووووووووووف تدخلون رجال غريب بيتكم عمااا وش هالجراءه ماتخافون خالتي او ابوكم يرجعون فجأه ؟؟
رنا / لا ياقلبي احنا نعرف متى نقوله يجينا " امي تسافر مع ابوي بـ الويك اند تروح الأربعاء وماتجي الا الجمعه
احنا نقوله يجينا الخميس الظهر نتغدآ والعصر نطلع نتمشى ونروح ملاهي ونتعشى بالليل ويرجعنا البيت ويروح
ساره/ علامه استفهام فوق راسها ؟
رنا/ ترى عادي بس انتي انسانه معقده نوعآ ما من هذه الي ماعندها حبيب هاليومين ؟؟
ساره/ انا معقده ؟؟
رنا / ايه طبعآآ ولا وحده كبرت ماتحب مستحيل
ساره / واحب له اصلا وعشان وشو ؟
ساره ماكانت تعرف يعني وشو الحب من فتحت عيونها وهي بمشاكل ابوها وابوها وبعد سنوات صارت مسؤؤله عن بيتهم واخوانها ودراستها
فـ شي طبيعي ماراح تعرف ايش هذا الشي
ريهام / لازم ادور لك ع واحد تحبينه ياساره جربي وان ماعجبك اتركيه
ساره/ لالالا لا تدورين لي ولا ادور لك روقينا بس
وعدت السالفه ع خير وع قريب الفجر دق جوال ساره " وردت رنا لأنه كان محمد
قالها انزلي خذي الكيسه الي عند بابكم بسرعه حطيتها ومشيت "
وتنزل رنا ترررركض راحت جابت الكيسه وجات "
جاب لها جوالي وشريحه " ومعاه هديه ساعه "
ساره/ والله من جده مايمزح اشترى لها ؟؟
رنا / ايه وش تحسبين انتي
وحطت الشريحه بالجوال ودقت عليه وكلمته "
ساره طول الوقت كانت تفكر وتقول هو الي يحب كذا يسوي ياريهام ؟ يشتري ل حبيبته الي تبغاه ؟
ريهام / ايه طبعآ دامه بيحبها بيسوي كل الي هي تبغاه "
ساره / حلو هذا الشي يعني ؟؟
ريهام / يجنن مو بس حلو "
سار بنت ماقد احد جاب لها شي ولا اهداها شي من يومها " ماكانت تجييها هدايا والسبه ابوها كل ماجاها شي يشيله ويرميه ومايعطيها شي
استغربت ان في ناس يشترون بدون مناسبه يعني مو حفله ولا زواج ولا ملكه عشان يهديها "
الساعه كانت ماركه بانوراما الوحده بـ 3000 وشوي ساره كانت تعرف قيمه الساعات وتعرف الأصلي من التقليد لأنها من يومها كل ملابسها ماركات
ساره / ساعه غاليه واصليه معقوله يجيب لها ساعه بـ هالقيمه ؟ والله الحب وناسه
رنا / واااي وايييي يا ناس احبببببببببببببه احببببببببببببه "
ساره/ رنوو شوفي الساعه الي جابهاا "
رنا / ماشفتي شي تعالي اوريك وش جاب لي بعد "
وراحت ساره ورنا وريهام لغره ساره "
طلعت ساره من الدولاب شنطه كلها عطور ديور وسان لوران وجفنشي وقوتشي وهالجماعه الطيبين
وشنط اصليه مااااااااااركات عالميه واساور وذهب واشياء تجننننننننننننننن
ساره/ ياويلي ويلاه كل هذا هو جابه لك ؟؟
رنا / ايه يا حبيبتي يحبني ليه مايجيب لي ؟؟
ساره / طيب خالتي تدري ؟
رنا / شووو فيك ذبحتينا خالي وخالتي وش بيدري امي بالله ؟
ساره / لا بس ؟؟ يعني ماتقول من وين لك هالأشياء ؟؟
رنا / بعضها شافته اقولها من صديقاتي وبعضه اقولها انا شريته والباقي ماشافته
ساره / طيب والجوال ؟؟
رنا / مابتدري عنه وش دراها هي خلقه 24 ساعه طالعه او مع صديقاتها
ساره / امممم هو محمد هذا غني ؟؟
رنا / مدير شره سيارات هنا بجده وابوي رئيس شركه كبيره واخوه سفير لأمريكا وواحد من عيال عمه مدير مستشفى واخوه الكبير مدير شركه الإتصالات الي بجده
ساره / ماشاء الله تبارك الله وش طيحك ع هالعائله ؟؟
رنا / ابد مره شافني بالسوق ورقمني يختي يخققققققققققق يجنن لا اله الا الله عطاني رقمه ومن رجعت البيت كلمته
ساره / من وين كلمتيه ؟
رنا / من جوال امي لا نامت اخذ جوالها واكلمه ولا خلصت امسح رقمه
ساره/ ماتخافين يتصل وامك ترد ؟
رنا / لا ماعليك وش يدريها هي عني
ساره / والله انتي قويه يختي " لو انا اموت من الخووووف "
رنا / آآآآه لأمك ماجربتي تحبين لو جربتي تسوين اي شي بس عشان تسمعين صوت حبيبك "
وع هالحال لين رجعت ساره واخوانها للجبيل هنا وانتهت الإجازه ونست ساره سالفه محمد ورنا "