بو ساره / بسرعه نزلو الشنط وكل واحد يرتب ملابسه بدولابه " ان قمت وشفت شناطكم ع ماهي عليه ياويلم "

ساره / ياليل الليل ياربي من ابوي هذا كل سنه كذا اعوذ بالله مانسافر الا بنكد ونرجع بنكد طول السفر واحنا بربكه وخايفين

كل شوي يتصل لا تطلعون لا تروحون ولا تجون وامكم وش عطتكم وش جابت لكم اي شي تعطيكم ارموه اكيد فيه سحر "

آآآه يا يبيه مدري متى بتعقل وتهجد "

وراحو ورتبو اغراضهم وبدوت الدراسه كانت ساره ثالث ثانوي و فجر اول متوسط وبدر ثالث متوسط ونايف ثالث ابتدائي

وبدت الدراسه وراح اول اسبوع ع خير و بـ ثاني اسبوع جات وحده وتعرفت ع ساره كان اسمها ( عفراء )

كانت اصغر منها بسنه

اعجبت فيها وقالت لها انا معجبه فيك

طبعآ بذاك الوقت كان الإعجاب توووه طالع ومو كثير يعرفونه واذا شفنا بنتين معجبات ببعض ويمشون مع بعض نحسه واوو شي فريد من نوعه وهي مميز

ساره/ يعني وشو معجبه فيني مافهمت

عفراء / يعني ابغاك لي لوحدي ولحالي

ساره/ يابنت الناس تبين تصيرين صديقتي حياك شي ثاني لا انا اسفه

عفرآء / مالي تبينه بس تكونين معاي "

شوي كانت وحده من صديقات ساره اسمها اروى تصير جيران عفراء " قالت لساره :

اروى / ساره تدرين ان عفراء هذه مسكينه ؟؟ ابوها مطلق امها ومتزوج وماخذ عفراء عند زوجته ومخليها خدامه له ولزوجته ؟

مايخليها تروح لأمها الا بالنادر وربي تقطع القلب ماعندها احد دايما تجي بيتنا وهي تصيح وتشتكي لأمي وجسمها كله مليان ضرب من ابوها

ساره / ياعمري تصدقين مو مبين عليهآآ ؟ ياربي انا ناقصه انا الي فيني مكفيني باقي تجيني وحده حالتها كذآ ؟؟

يلا مو مشكله بحاول اتقرب منها واخليها تعتبرني اختها او صديقتها وبخليها تفضفض لي يمكن اقدر لها شي لو تلاقي فيني شي ما لقته بأحد "

اورى / كل شي جايز يا ساره من يومنا نحبك ونحب نسولف لك ونفضض لك ونرتاح يمكن تقدرين تغيرين هالبنات "

ساره/ الله يعين ويساعد "

وبثاني يوم " راحت ساره لعفراء وقات لها ممكن امش معاك شوي

طبعآ صديقات عفراء بدو صراخ يووو حركات من ورانا ياعفرآء لك معجبات والله منتهي هينه "

عفراء استانست ع بالها الي براسها صار "

ساره / ايوه يا عفراء وش السالفه ليه اعجبتي فيني ووش معنى انا بالذات ؟

عفراء / والله مدري يوم كنتي بثاني ثانوي انا كنت بأول كنت دايما اطالعك واحب اشووفك كل يوم كنت ادوام بس عشان اشوفك " ولا انا ما احب المدرسه "

ساره / ايوه ؟ كملي

عفراء / ويوم صرتي ثالث قلت باقي سنه وتروحين عني وماعاد بشوفك حبيت اتقرب منك واقولك اني احبك عشان نصير مع بعض

ساره/ اهااا "" طيب مارديتي علي وش معنى انا المدرسه مليانه بنات "

عفراء / والله ما ادري حسيتك طيبه ةكل الي حولك يحبونك ودائمآ يكرمونك بالطابور والمدرسات يحبونك وكل شوي تكونين مع صديقاتك وتضمينهم "

انا محد قد ضمني ودي اصير زيهم واتقرب منك المدرسات يسولفون عنك كثير كل ماصار شي يقولون ليتكم مثل ساره ماشاء الله ويضربون فيك الأمثال

ويبغوننا نقتدي فيك "

يقولون لنا ان امك مو معاكم بالبيت وانك اكبر وحده بالبيت وماعندكم شغاله وانتي عادي مازلتي شاطره ومتفوقه "

كلامهم هذا يخليني كل يوم احبك اكثر ودي اصير مثلك " لأني حتى انا امي منفصله عن ابوي واحس اني تعبانه وكل يوم اصيح

زوجه ابوي طفشتني وكل يوم تطلع لأبوي كلام عني ويطقني

ساره /

عفراء / ههههههههههاي لا تحزنين علي انا ما اقولك هالشي عشان ترحميني ولا ترأفين بحالتي اقولك كذا بس عشان ابي اعرف انتي كيف صابره وكيف قادره تسوين كذآ ؟

ساره/ ياعفراء ياحبيبتي كل واحد بالدنيا هذه عنده مشاكل يالبالبيت او برى البيت مافي احد مرتاح ع قوله عبد الله رويشد

بس اسمعيني انا بكون معاك وبصير صديقتك واقولك كل شي واعلمك كل حاجه بس بشرط "

عفراء / وشو ؟

ساره / نصير خوات " لا حبيبتي ولا حبيبتك ولا سواليف مالها داعي اوك ؟

عفراء/ خلاص تم ماعندي مشكله "

ومرت الأيام وصات عفراء وساره اكثر من خوات كل يومين وهم مع بعض كل وحده تروح بيت الثانيه "

وجاء يوم وجات ام عفراء للسعوديه لأن امها بحرينيه الجنسيه "

جات تبي تسلم ع بنتها ونادت ساره عشان تشوف امها "

كانت عفراء تسولف لأمها كثير عن ساره بحكم ان مستوى ساره الدراسي تحسن وصار رائع ونفسيتها صارت حلوه امها انبسطت من هالشي

شافت ساره وقالت لها - الله يعطيك العافيه يابنتي انتي غيرتي بنتي كثير -

ساره/ ياخاله ماسويت الا الي قدرت عليه لأني حاسه بإحساس بنتك وماعندي احد الجأا له وبنتك جاتني بنفسها ومسكت يدي وماحبيت اترك يدها واخليها

مسكت يدها وحاولت اشدها واثبتها والحمد لله قدرت "

ام عفراء/ الله يستر عليك ويسعدك يا بنتي وين مارحتي "

ومشت الأيام وقربت اختبارات ساره النهائيه حقت 3 ثانوي صار تخفف عن عفراء شوي عشان تذاكر وتخلي عفراء تذاكر "

وجات امتحانتهم ولاحظت ساره ان عفراء مغيره ماهي زي قبل ابد ماصارت تقعد معها ولا تسأل عنها "

تركتها ساره لين خلصت اختبارها وقتها قالت لها "

ساره/ عفراء حبيبتي ملاحظه من وقت انك متغيره علي سويت لك شي وانا مدري ؟؟

عفراء / لا بالعكس وانا ما تغيرت ولا شي يتهيأ لك

ساره / اتمنى هالشي "

عفراء/ شرايك تجين بيتنا اليوم دام اننا خلصنا اختبارات

ساره/ ولا يهمك بقول لأبوي وارد عليك "

ورجعت ساره لبيت وقالت لأبوها وقال اوك روحي وخلي اخوك يوديك "

وجاء العشاء لبست ساره وراحت لعفراء وجلست عندها زي كل مره "

فجأه دق جوال ساره ونزلت ساره ترركض لتحت

ساره/ بسم الله شيها البنت هههههههههههههاي

عفراء / ساره سااااره تعالي تحت بسرعه انزلي بوريك شي

ساره/ اووووص لا تصارخين زوجه ابوك لا تسمعك وتهاوشنا

عفراء / لا تخافينزوجه ابوي مسافره وابوي بالدوام مايجي الا الساعه 6 الصبح

ساره / طيب وش بتوريني ؟؟

وطلعت عفراء وساره الحوش " مااوعت ساره الا وواحد واقف قدامها هي وعفراء

ساره / يمااااااااااااااااااااااه عفراء حرامي ياويلنا امشي بسرعه ندخل البيت "

عفراء / هههههههههههههههههاي لا تخافين هذه سالم

ساره/ اي سالم امشي وش ذا عييييييب واقفين قدام رجال ومحنا لابسات عبايه

عفراء / يختي شفيك انتي عادي هذا سالم حبيبي "

ساره / ايش ؟؟ حبيبك ؟؟

عفراء / ايه تونا كملنا 3 اسابيع مع بعض تعرفت عليه وحبني وحبيته وقلت لازم اعرفه صديقتي الي وقفت جنبي

ساره / لا بالله كثر الله الف خيرك يا سخيفه يا قليله الأدب يالي ما تستحين "

وطلعت ساره بسرعه لغرفة عفراء ولبست عباتها ودقت ع اخوها وقالت له تعال اول ما توصل دق علي عشان انزل "

وجلست بغرفه عفراء وسكرت الباب توقعت ان عفراء بتجيها وتقولها شفيك بس ولا عبرتها ولا جاتها تمت مع سالم وخلتها

لين جاء بدر ودق ع اخته ونزلت وماشافت عفراء دورتها عشان تقولها انا بروح بس مالقتها حز بخاطرها وحست انها وحده غبيه وان طيبتها موديتها بدواهي "

المهم طلعت وركبت السياره ورجعت البيت وكلها خيبة امل وصدمه من عفراء "

وبعد هالسالفه عفراء ماعاد دقت ع ساره ولا صار ترسل لها ولا تدري عنها "

وبعد شهر من السالفه دق ع ساره رقم غريب " واستمر يدق ويدق لين ردت ساره

ساره/ الو ؟؟

دق رجال اسمه حسن

حسن / الو لو سمحتي انتي اخت ساره ؟

ساره / ايوه من انت ؟؟

حسن / انا حسن اخو عفراء الكبير يا حيوانه يا ساااافله ياواطيه يالي ما تستحين والله لا اربيك لانك مو متربيه بأخذ من عفراء عنوانكم وربي لا اجي لأبوك واعلمه بسواياك

وقسم بالله لا اخلي ربعي يسنعونك ويراقبونك بس تطلعين وربي لا اخطفك وهذاني حلفت "

ساره / ؟؟؟؟؟؟؟؟؟؟؟؟ بسم الله الرحمن الرحيم ؟ هيه انت وش تبي ؟ وليه تهددني وش مسويه انا ؟

حسن / مسويه ماتدرين انتي ووجهك ؟

ساره / ادري عن ايش ؟ وبعدين عفراء ماقد قالت لي ان عندها اخو اكبر منها " وش تبي داق علي ؟

حسن / الا عندها انا وغيري بعد بس كلنا متزوجين مسويه بريئه يا عيني عليك "

ساره/ والله ما ادري ان عندها خوات واخوان والله ماقد جابت لي طاريكم ابد حتى يوم شفت امها ماقالت لي

حسن / حتى امي شافتك ؟؟

ساره/ ايه شفتها وجلست معها وبعدين ابي افهم وانا وش سويت ومن وين جبت رقمي ووش تبي فيني

حسن / لقيت مع عفراء 4 جوالات وكلهم بـ كام وكل واحد فيه اشياء وصخه اكثر من الثاني وعندها فلوس بالهبل واشياء مايعلم بها الا ربي يوم سألتها من جابهم لك

قالت (( ساره ))

كل شوي يجيها شي وتقول ساره

ساره / اناااااااا ؟؟

وربي البيت اني شهر وزياده ما ادري عن اختك سوت فيني حركه بايخه وتركتها عشان سمعتي " لو سمحت امسك اختك واجلس معها احسن واسألها "

حسن / والجوالات ؟؟

ساره / اسمعني ياولد الناس " لو تبي ادلك بيتنا بدلك اياه وتعال اطلع لك جوالي انا عشان تصدقني

لو اقدر اطلع لإختك 4 جولات كان طلعت لي واحد ع الأقل جولات الكام كلها بـ 1000 وشي معقوله عندي 4000 واذا كان معاي اشتري لإختك بها جوالات ليه ؟؟

حسن / ؟؟؟ يعني وش افهم من كلامك هذآ ؟

ساره/ روح اسأل اختك لا تسألني ولو سمحت انا ماني ناااقصه مشاكل الي فيني مكفيني حاولت اتقرب من اختك واصير لها اخت بس ماعطتني فرصه واستغلت طيبتي بأشياء ثانيه "

حسن / زي وشو يعني "

ساره / لو سمحت انا ماقد كلمت واحد ولا ابي اكلمه ماني ناقصه مشاكل مع اهلي عندك شي روح اسأل اختك لا تسألني انا وتجيني تهددني "

حسن / انا اسف بس حطي نفسك مكاني واحد يدري ان اخته ماعندها جوال وفجأه يكتش واحد و2 و3 و4 وكل واحد اغلى من الثاني وعندها فلوس ايد بيخاف "

ساره / حصل خير يلا مع السلامه ولو سمحت ممكن طلب "

حسن / تفضلي

ساره / لا عاد تتصل علي الله يخليك انت رجال وكبير ومتزوج وعارف المشاكل الي تجي من ورى هالشي

حسن / ان شاء الله يا اختي وانا اسف يلا سلام عليكم "

ساره / آآآه ياربي وش هالمصااايب الي تحاااااذفت علي ناس كذابه وناس تدق وتهدد وابوي من صوت واخواني من صوب

آآآآآآآآآآآآه بس " الحمد لله ع كل حال يارب "

شوي دق رقم ماكان غريب ع ساره "

ساره/ امااااااااااااااااااااا ؟؟ معقوله "" هذا رقم محمد حبيب بنت خالتي ؟ وش عنده متصل علي بعد هالشهور ؟

ساره/ ياربي وش يبي قاعد يدق ؟؟ ماراح ارد خليه يولي "

واستمر محمد يدق ويدق وساره ماترد عليه "

لين رسل لها "" (( ساره لو سمحتي ردي ابغاك بموضوع ضروري ))

وش تتوقعون ساره راح ترد وتكلمه ولا تطنشه وترسل له رساله تقوله الي تبيه قول لي برساله ؟؟

نكمل بكرى لأني تعبت وانا اكتب ""

برررررررررب "