قصيدة الحــق يزعل والشعر صوت حساس (الجهل)
قصيده إبكت قلمي
وهي قضيه واقعيه للبشر الذين يعيشون
في العالم الآخر !
والمثل يقول/ ( الساكت عن الحق شيطان ٍ أخرس )
الجهل لامنه سكن داخل الراس
والفقر.. فقر ..النفس فقر الاحاسيس
والبخل بخل الروح عن زفر الانفاس
والطيب يسقى للغصون الميابيس
واللي يهاب الموت يحذف وينداس
والحر نسله حر والهيس من هيس
واللي كسب سمعه وعزه ونوماس
اكيد راعي طيب وراعي نواميس
واصدق شعر لو ينكتب فوق كراس
تلقى القوافي مدمعه بالقرا ط...يس
باقولهااااا ..مدام الوجيه جلاس
وأصحصح .عيون ٍ غشاها النواعيس
عاشوا ولا عاشوا مثل باقي الناس
السور طاح ..ولايقومه تلييس
لاصار ابوهم مازرع زرع غراس
هو ليه يحصد دام مابه غواريس
يرعى البهايم بقوة العزم والباس
ويصبح بوجه الرخوم المفاطيس
يتعب عشان يكون اعلاف واكياس
ويكرم لهن ويحمس النفس تحميس
س / واذا سألته عن سببهن وش الساس ؟
ج /يقول اضم ( القرش ) وقت المفاليس
خايف يموت من العطش والافلاس
يحسب زمانه من زمن عنتر وقيس
واذا العلف خلص تكدر ويحتاس
يبيع ولده عشان يشري لهن كيس
تايه يحسب انه ملك كل الإجراس
عايش حياته بالوهم والكوابيس
((عياله اللي مالقوا منه الاحساس
صغار عن جميع كل المقاييس ))
من حولهم كل البشر زين ولباس
ولاهنت نفوس تربة مع { التيس }
لاجبتهم بين البشر جنس ..وجناس
باين وجيه المعذره ..والمناحيس
طموحهم بالامن .عسكر وحراس
وشموخهم مثل شموخ الدنافيس
اكبرهم اللي صار للبيت نبراس
كان يتمنى يسوق لكزس وكابريس
ابوهم اغلط والغلط راكب الراس
جاهل وعلق عزته باللواليس
يطمع ونفسه نفس حاقد وبلاس
عباد قرش ونوخه شايب ابليس
ماعز نسله ولاملى ميه الكاس
جلده ولوشاف البحر والنسانيس
كنه رحم نسله وثابت على ساس
كذاب وهو مكشوف خلف الكواليس
يحب يذكر ماضي فيه جساس
تايه فكر ويتابع مسلسل ..غليس
الحق يزعل والشعر صوت حساس
والمساله فيها من الوضع تمقيس
يالله ياللي بامرك يهب نساس
يلي بذكرك يبعدن الوساويس
الرزق عندك ماله حساب وقياس
والخوف لك ولاهو لسيف فريس
احفظني من الهم ووجيه الاعماس
وابعدني عن درب الدنس الجواسيس
وحقق مطالب رغبتي وابعد الياس
وعطني ثقه من بعد هم وتدريس
طالبك طلبه لايجي الفاس بالراس
دامك إلهي ماعليه من ابليس