قصيدة ثلاثه والحزن .. رابع
نشد القافله ونسري ثلاثه والحزن رابع
انا والليل واشجان القصيدوراحت ايامي
اجر خطوه على خطوه وبعضي البعضي امدافع
ولا ادري وين هاك الدرب ناوي يزرع اقدامي
مشيت وكل ماجيت الديار اللي لها موادع
حثيت اتراب في وجه الطريق وقلت قدامي
سريت وكل مامرت مزون وهلت امدامع
زرعت ابدربها شوكة عناي وزهرة احلامي
ودعيت ان كان لي حظ ٍ كريم وطامح وجامع
يرد اخطاي للدرب القديم وحارة الهامي
والى شانت مقادير الزمان وكان به مانع
عسى عيني تشوف الدرب لو في اخر اعوامي
بكيت وداخلي طفل ٍ ضرير امن الحزن جائع
يبي يرضع من الفرحه ولوهي اصبع اوهامي
ورى هالباب اطق ابواب وهالبواب مو سامع
نهر سائل وقف سائل وش اللي يروي الظامي
شريت ولا شريت الا جحود ومنكر وبايع
صفيت ولا لقيت الا حديد ودقهم حامي
وفيت ولاعرفت الا الطعون وخاين ٍ بارع
شكيت ولا بغيت اكبر الموضوع ياسامي
ومشيت وكل ماجيت الديار اللي لها موادع
حثيت اتراب في وجه الطريق وقلت قدامي
نشد القافله ونسري رفاقه والحزن تابع
انا والليل واشجان القصيد وجرحي الدامي
وسلااااااامتكم