قصيدة من عادتي
من عادتي لا انكث.. ولا اخلف ولا ابيع
وامشي على وضح النقا ما اتخثع
وباللي شراني.. لا اتسمع ولا اطيع
ناس لغرات الاوادم تتبع
يامن لك ايام مضني واسابيع
اخلفت شطر الوجه من غير مرجع
ممسي بريع... ومصبح لك على ريع
حبل توصلها وحبل تقطع
اغراك عنا من فتح لك مشاريع
عساك معهم باليال متمتع ..؟
اليوم مالك في جنابي مطاميع
وشلون تهوى انسان ما فيه مطمع ..!!
مال الغلا اللي مات..!! يا كود تشييع
وانسى انه بقلبك بيوم تربع
ولا تحسبني عقب ما مات بضيع..!
لا والذي سواك ... مير اتوجع
ما مات بك..!! له في خفوقي مراتيع
غصب اتوجع دام بالقلب ينبع
حب يولع ضامر الجوف توليع
وغصب على عيني من الوجد تدمع