يا صاح بعدك عن عيون(ن) تراعيك
ساق الغيوم السود تسكب مطرها
هليت دمع العين والله باكيك
وغياب زولك علّ روحي وثبرها
وشلون ما اتعب يوم بعدت خطاويك
يا كيف نفسي يزول عنها كدرها
ثاير عجاج الهم واسمع دواكيك
والبرق مثل عيون يقدح شررها
يالله سترك من هالاعصار راجيك
تكفيني شر اقدار باين ضررها
يا خوك هذي حالة اللي يحاكيك
شاعر يسوق ابيات شعر(ن) سطرها
هزته ريح الشوق واشتاق طاريك
وازرى بذور الصبر يجني ثمرها
رحّال لولا الظرف لاقصر مماشيك
لكن دروب الرزق حاين قدرها
ياعلّ تنجح في حياتك مساعيك
وهموم عمرك تنطعن في نحرها
صاحبك مهما تْغيب ما هوب ناسيك
لو كان تنسى الأرض منهو عمرها