قصيدة خاااصه ( تاج راسي ) >>أبوي ..
قدرك عزيزٍ وأنت محدٍ يساويك
معزتك ماهي بقلبي شويه
لانك يبو زياد كبيره مباديك
وترى الذي يكرهك به سم حيه
فعلك , وقولك , حكمتك , نظرتي فيك
صفات تنبع صدق من صدق نيه
متواضع محنك ولا فيه تشكيك
الله خلقه وما خلق شيء زيه
اسمح لي آناديك ياحضرة البيك
عطيتك ما مثلها من عطيه
يازنيك أي والله لاجيت وألفيت
يا ابوي وشهي جنبك الجاذبيه
بنيت لك في داخل القلب لك بيت
دبلكس فيه أربع شقق داخليه
استغفر الله يمكن آكون زليت
قلبي وراعي القلب لجلك هديه
معزتك خصصتها شوي ما اوعيت
إلا حدودك بالمدى الخارجيه
حبيت لكن ما به انسان حبيت
مثلك لانك فوق كل البريه
الله يوجه لك خطاويك لفقيت
والله يجنبك الدروب الخطيه
والله يجازيني إذا عنك صدّيت
ويبعدك عن درب الدروب الرديّه