قصيدة أجر وعافيه ( لأمي>> نظر عيني )
من يومها كني عن الدنيا عمي
يوم أنت بثياب المرض وا/بكيت عين
كن السما بالنار ترميني رمي
من يومها ماعادت الدنيا تزين
امي عساك من المساوء تسلمي
لاباس أجر وعافيه ربي يعين
ياصايمه عن شر ماقالوا صمي
ياحافظه للذكر فاز الذاكرين
ياطاهره يفداك دمي ولحمي
ياصابره ربي يعين الصابرين
رسيني غرقيني ابنيني اهدمي
دامك بجوفي مابحن ومابلين
ملاك ولا ويش لازم تقسمي
آسف ولكن حق آعرفك منين
من طين مخلوقين في قول السمي
أحمد رسول الله والمولى الأمين
شكيت قبل أقرا وينطقها فمي
لو ماورد بالذكر ماحق اليقين
ياساعيه للخير للخير افحمي
صلي وصومي لين ياتيك اليقين
لاصار دربك هذا مابتندمي
هذا طريق إلى رياض الصالحين
كتبت لك تذكار خطي بقلمي
مشتاق لك محتاج لك في كل حين