ملتقى طلاب وطالبات جامعة الملك فيصل,جامعة الدمام - عرض مشاركة واحدة

عبير الصمت · 2011- 6- 11

اقتباس:

المشاركة الأصلية كتبت بواسطة خلف الشمري

عبيـر بدينا بترقيم

قصيدة وش تبي ؟

قبل صدر الملام وقبل عجز العتاب
ويش عذر القصايد لا غدت بشنبي
تعرف إني سعَدها فالليال الصعاب
يوم غيري تصده لو يجيها حبي
جيت وآنا مجييّ بعد طول الغياب
يا صلاتي على وجه الحبيب النبي
من سؤالٍ سألته ما لقيت الجواب
آلاوادم بعَضها .. من سعد وش تبي ؟
بين طيّ الكتاب وبين فتح الكتاب
واحدٍ جا بيقرأ بس دايم غبي
يحسب إنه تعلّى فوق متن السحاب
ما درى بإنّ قسمه من قسوم العبي
يا نما .. لا تعرّض نسل علط الرقاب
وأنت مثلك يعيش يموت عاده صبي
ليت لك في رقبتي دين ولاّ حساب
أو جميلٍ بيشفع لا شذبت كعبي
لكن إنك فتحت لزلتك كل باب
والردى وسْط نفسك من زمن قد ربي
لا تجيني تعذّر .. ذا خطا ذا صواب
ما انت كفْو الحقوق ولا كفو مطلبي
والله إني عن أمثالك عزيز الجناب
مذهبك لا حشا ما يشبه لمذهبي
رح مراح القطا دامي عرفت الجواب
انت لو بان شيبك.. طول عمرك صبي