إهداء إلى / هموسه ..
قصيدة يا ليت
واا عيني اللي ملّها الدمع من جيت
واا قلبي اللي من عرفتك خسرته
لو ما غلاتك ما عرفت التناهيت
ولا شعرت شعور ما قد شعرته
من حرّ مابي شوفني يوم صديت
قلت لخفوقي يمكن إنك نكرته
أحيان أحس إني أبد ما قد أعطيت
وأحيان أحسك حلم وآنا كسرته
واحيان أقول البيت .. وآردد البيت
واخذ ثواني باذكره .. ما ذكرته
واقوم اقلّب في ظروفك ليا ازريت
يمكن ألاقي عذر لا من عذرته
مير الحقيقة بيّنة كانك أوحيت
عشقك هنا واااضح ولوني سترته
خطاي .. يوم إني عذرتك ليا اخطيت
وش فادني صبرٍ طويلٍ صبرته
خطاك فيني يوم انا حسبة الميت
شف زرعك اللي من فراقك بذرته
ما عاد تنفع كلمة اليوم يا ليت
ميّت .. وقبري .. انت بيدك حفرته !!