|
ندا كل الاعضاء رنو وانفجار وطالبه جامعية و ماي دريم و Dima
السلام عليكم ورحمة الله
اول شيء اعتذر للي ناديتهم بالاسامي بس لما لاحظته
من كثرة نشاطكم وحرصكم على جميع الاخوه والاخوات هنا وشهادتي فيكم مجروحه
ثاني شيء اكثر من مره طرح الموضوع ولكن ماندري وش صار ولسى باقي لنا فرصه
نبي منكم توصلون صوتنا للجامعه بطريقه احترافيه وبصياغة كلام كلنا نشارك فيه
او تكونو مسؤلين عنه .
الموضوع بالضبط هو الاترام الصيفيه لها فوائد كثيره لنا خاصه يالموظفين
وغير الموظف كمان له فوائد يخفف اقل شيء .
بس ذكرت الموظفين لان تحسب لنا كل 30 ساعه بنقطة وذي تفيدنا في الترقيات
وحنا مادخلنا جامعه الا عشان نحسن وضعنا الوظيفي ومنها نشوف لو طلعنا
بمعدل حلو ممكن نترك وظيفتنا ونشوف الاحسن .
زملائنا بكل الجامعات الاخرى عندهم اترام صيفيه وفيه من يتعدانا بالنقاط مو حسد
لا والله بس تنافس وكل واحد ياخذ رزقه الي كاتبه له رب الملك
النقطة الثانية تخفيف عدد الساعات انا الحين ضغطت نفسي الترم ذا
19 ساعه المستوى الثالث ماعندنا الا 13 ساعه تقريبا لكن المستوى الرابع
والخامس ...... الخ .
ادخلو ملتقى الانقليزي وفيه موضوع مثبت والله يشيب راسك عدد ساعات مرهـ
ضغط ومواد مو مثل الحين اغلبها تخصص عام بنخش في التخصص وتعرفون
معنى تخصص يعني الي بيشد بيمشي والا يعتمد على ثقافته او اي شيء ثاني
مكانك راوح << مصطلح عسكري 
اتمتى نتكاتف ونوصل صوتنا بأسرع وقت اذكر قالو دراسه ومن هالكلام ولا شفنا شيء
يقدرون يسون لنا الصيف ذا لو يبون نحاول حنا والباقي على ربنا سبحانه
اتمنى من الجميع المشاركة 
|