حبيت اكتب موضوع افضفض فيه لان ماعندي احد اقدر اقوله كل شي بقلبي وائتمنه على اسراري كل اللي وثقت فيهم خانوني ماادري ليه الدنيا تغيرت والا انا اللي تغيرت مااقدر اثق بأحد ولا عندي ثقه بأي احد ماعندي احد احكيله اللي بقلبي وانا مرتاااحه اعاني من الوحده ولا عندي اخوات اكبر مني كلهم صغااار في الابتدائي يعني مهما حكيت ماراح يفهموني ولا عندي صديقات لاننا افترقنا بعد الثانوي وكلنا تزوجنا وكل وحده شافت حياتها وانا تزوجت وصار عندي بنوته زي القمر الله يخليها لي يااااارب..
انا انسااااانه خجوووله جدا جدا واعاني من هالخجل في حياتي لدرجة اني مااقدر اخذ حقي من اللي يغلطون علي واللي يظلموني لاني استحي حتى زوجي اذا هاوشني مستحيل ارد عليه او ارفع صوتي عليه لأني استحي مستحيل اهاوش واطلع اللي بقلبي لاني استحي دائما انقهر واخبي بقلبي واكتم بداخلي دائما اعبر عن قهري بدموعي ولحالي تعبت من نفسي نفسي اتغير نفسي يصير كل شي بقلبي على لساني اتمنى اتغير واصير جريئه واخذ حقي من اللي ظلموني اتمنى اصير اقوى من كذا ماابي اربي بنتي على الضعف اللي انا تربيت عليه ابيها تكون انسانه قويه وشخصيتها قويه ماابيها تصير مثلي ضعيفه ماابيها تضحي عشان غيرها لان محد يستاهل تضحي عشانه بهالزمن انا خلاص ادري اني انا كذا وراح اظل طول عمري كذا بس بنتي لا ابيها تكون احسن مني واقوى مني . .