|
رد: " مجٍ'ـَـَنۈن منٍ لقأ‘مثلٍ [ قلبيُ ] ۈ عٍ'ـَـَآفــﮧ . . . ‘ !
وصار محمد كل يومين يتصل ويسأل عن اخبار ساره وهي الخبله زي الدرج تقول كل شي
سويت وقلت وابوي سوى واخواني سوو وصديقاتي ومحمد كل يوم يرتاح لها اكثر "
حسها كتاب مفتوح وصريح وواضح وكل ما تكلمت معه يحسها طفله لأن هي خلقه صوتها كان ناعم وصغير
ويحسها عفويه شوي تضحك وشوي تسولف وضحكتها كانت حلوه من النوع الي يضحك ويسولف بنفس الوقت
وكل يوم يزيد اعجابه فيها " وساره "
تعودت ع محمد كانت تقول
ساره / ياربي والله تعودت ع محمد دايما يدق يسأل عني ويشوف اخباري ويحسسني اني انسانه عندها احد يسأل عنها ويسمع لها اذا تضايقت
يخليني غصب اتكلم حتى لو كنت متضايقه من اقوله ارتاح " ياربي لايكون حبيته ؟؟ ياربي هو الحب كذا انا ماجربته ولا اعرفه
وش تفسير احاسيسي ومشاعري طيب ؟ الا الا شكلي حبيته "
من يدق قلبي يدق معاه واركض ارد عليه " صرت افكر فيه 24 ساعه "
بس خير "" لا ما اتوقع احبه بس يمكن ارتحت له ولقيت الي يسمع لي لا سولفت حتى سواليفي البايخه يسمعها ويضحك علي "
ياحلوه لا قالي - يا حليلك وهو يضحك - ياحلو ضحكته "
محمد / ياربي هالبنت غيرتني 180 درجه كنت صارف النظر اني ارجع احب او افكر بوحده ثانيه من بعد رنا لكن مدري والله وش الي خلاني ارتاح لها واتعود عليها "
انا بس ودي اعرف هل هي تبادلني نفس الشعور ولا لأ ؟؟ بدق عليها اسألها "
محمد / الوو هلا سارونه اخبارك يالغاليه عساك بخير
ساره / - بخاطرها - << قالي سارونتي 
محمد / الو ساره ؟؟
ساره / هلا محمد الحمد لله انا بخير انت اخبارك ؟
محمد / اذا انتي بخير فأنا بكون بأحسن حال
ساره / لا ابشرك انا بخير الحمد لله ويارب تكون دايمآآ بخير وبأحسن احوالك
محمد / وياك يارب امم سارونتي تعشيتي ؟
ساره / - بخاطرها - سارونتي بعد ؟؟ ايه الحمد لله تعشيت وانت ؟
محمد / ايه الحمد لله وش تعشيتي ؟
ساره / ابد اليوم طلب لنا ابو من ماك وتعشينا كلنا "
محمد / عليكم بالعافيه يارب "
ساره / وانت وش تعشيت "
محمد / لا اليوم الوالده طابخه لك ذاك المحشي الي يحبه قلبك ومعه صينيه بطاطس بالخضار والدجاج وصلحت طبقي المفضل
ساره / وشو ؟؟
محمد / ما تضحكين ؟؟
ساره / ههههههههههههاي لا ماراح اضحك
محمد / ضحكتي وخلصتي 
ساره / اضحك قبل عشان لا اضحك بعدين : يلا وشو طبقك المفضل ؟
محمد / ملوخيه "
ساره / هههههههههههههههههههههههههههههههههههههههاي
محمد / يختي جعلها دوم يارب هذا وانا قايل لا تضحكين " ههههههههههه
ساره / لا ما توقعت تقول ملوخيه " لكن عليك بالعافيه وربي يخلي لكم امكم يارب
محمد / ويخليك للي يحبونه ويغلونك " الا ع طاري الي يحبونه ساره بسأل سؤال بس تجاوبين علي : انا خابرك صريحه وما تلفين وتدورين "
ساره/ تفضل واوعدك اجاوبك بصراحه "
محمد / ساره كم عمرك ؟ الصدقي لا تذكبين علي
ساره / عمري 20 سنه
محمد / حلوو طيب ساره سؤال محرج شوي ممكن اسأله
ساره / تفضل
محمد / قد حبيتي او قد احد حبك ؟ انا اسف بس ممكن تجاوبيني ع هالسؤال "
ساره / - ضربات قلبها بدت تزيد - اممم لا
محمد / ساره لا تكذبين علي
ساره / والله ما اكذب عليك اصلا ما اعرف وشو هذا الحب كانت رنا دايما تعايرني وتقولي انتي ماقد جربتي الحب او انك تحبين خليك بدراستك وبيتكم والمطبخ "
كان ودي اعرف وش هالشي لكن ما اعرف واحسه شي غلط وماودي اجربه عشان لا يصير لي مثل ماصار لرنا ولك
واصلا ما اقدر احب لا وحده ولا واحد لأن جوالي كل يومين مع ابوي ياخذه يفتشه عشان لا يكتشف اني اكلم امي او امي تتصل علي
تخيل احب والي احبها او احبه تتصل علي بشكل دايم وابوي ما يحب هالأشياء "
انا خلقه اخاف منه ومابيه يمسك علي شي "
محمد/ اها اوك طيب شلون تتكلمين معاي انا ؟؟ صار لنا شهر وما اخذ ابوك جوالك "
ساره / انت  انا اكلمك وابوي نايم الحين ما يدري عني دوامه هاليومين شفتات اغلب الوقت برى البيت "
محمد / حلو " طيب ياساره ممكن اصارحك بشي ؟؟ بس مابيك تجاوبين علي الحين
ساره / تصارحني بوشو ؟؟
محمد / جايك بالكلام لا تستعجلين "
ساره / اوك تفضل "
محمد / بصراحه ياساره انا اعجبت فيك بصراحتك وطيبه قلبك ومسؤليتك بالبيت وصوتك وضحكتك وكل شي فيك عاجبني ارتاح كثير لا كلمتك وانسى همومي ومشاكلي من اسمع صوتك
واحلف لك بأغلى شي عندي اني ما كنت احس بـ هالشي مع رنا ابد صح كنت احبها بس من اكلمها احس عادي واحسه شي روتيني تعودت اسوي كل يوم "
لكن معاك شي ثاني صوتك فيه راحه وحنان وبحته حلوه حيل " مع اني ماشفتك ولا يهمني شكلك ابد الي ادور عليه هو قلب لإني انسان لا حب يحب من قلبه
وما يهمه الشكل ابد اخر همومي هو "
ساره/ ... حاله صمت
محمد / ساره ما بيك تردين علي بشي الحين فكري
ساره / آآآآ آ افكر بوشو بالضبط "
محمد / تفكيرين بكلامي الي قلته لك ابي اعرف وجهة نظرك فيه وصديقيني راح اتقبها بصدر رحب وماراح ازعل
يا نصير احباب
ساره - فز قلبها -
محمد / او نتم اخوان نسأل عن بعض مثل كل يوم ونسولف وعادي ونضحك "
ساره / والله يا محمد مدري وش اقولك فاجأتني بكلامك " و ووو ومدري وش ارد عليك
محمد / قلت لك لا تردين علي الحين فكري انتي هل تتقبليني اخ وحبيب وقلب حبك وصدقيني بيصونك ويحافظ عليك ويخاف عليك وبيحطك بداخله ويقفل عليك "
ساره/ << بداخلها ياعمري يا محمد ودمعت عيونها 
محمد / اوك يا ساره انا بخليك فكري بكلامي والي تبينه بيصير بس ابقولك كلام حطيه حلق بإذنك لا يجي ببالك اني من هذول الشباب الي يتعرفون ع البنات من باب التسليه وبس او قصدهم شي ثاني ياخذونه ويرمون البنات
والله ماني من هالون ولا اقولك هالكلام عشان بس احسس بالأمان اذا كنت اكذب بحرف واحد الله ياخذ عمر امي ويفقدني اياها "
ساره / بسم الله ع امك ربي يخليها لكم لا تقول كذا استغفر الله مصدقتك " 
محمد / ياعمري ياساره "
ساره / - بينها وبين نفسها وججها صار
محمد / هههههههههههههاي تدرين فيك شي حلو اذا استحيتي تسكتين واحس وجهك صار لونه عنابي مو بس احمر
ساره/ هههههههههههههههههههههههاي شسوي طبع فيني وماني متعوده ع الكلام الحلو " محد قد قاله لي الا انت
محمد / صراحتك هذا بتذبحني وتحببني فيك اكثر واكثر " اوك ياقمري انا بسكر الحين لأن عندي دوام الصباح واتمنى تفكرين بكلامي وتعطيني رأيك بأقرب وقت رأيك يهمني
ساره/ ان شاء الله ونوم العوافي يارب
محمد / يعافيك ربي يلا السلام عليكم "
ساره / مع السلامه "
ياااربي يااااااااااربي الفرحه مو شايلتني من الفرحه انا لقيت واحد انا ماكنت ابي احب ولا بنيتي احب لكن مع هالإنسان غيرت نظرتي وكلامي
احس الحب شي حلو ويونس هالإنسان دخل قلبي والله صرت افكر فيه 24 ساعه طيب وش ارد عليه بكرى ؟؟
اقوله ايه انا احبك ومستانسه ع انك حبيتني ؟ ولا اقوله مشكور لأنك تحبني وعجبتك وانت بعد عاجبني ؟
ياربي شقول ما اعرف  كيف اقوله الي بخاطري ؟ ياربي حتى ما عندي احد استشيره ليتك هنا يا يمه ع الأقل اقولك ان في واحد حب بنتك انا متعوده ما اخبي عليك وودي اقولك واعلمك وش قال ووش ارد عليه "
امي ؟ اما اقول لأمي انا احب ؟؟ والله تسطرني ؟  مو لهالدرجه عاد كل شي اقولها
طيب ابي اسأل احد اسأ مين ؟؟ ادق ع رنا اسألها ؟
لا لا بتاكلني هالخبله مو ناقصتها " طيب بكلم ريهام " لالا حتى ريهام بتقعد تسألني مو ناقصتها هي الثانيه "
يلا ماراح اسأل احد لا جاء بكرى بقوله وهو يفهمها ع كيفه والي يصير يصير "
وجاء ثاني يوم بفارغ الصبر وكانت ساره من النوع الي ما يتصل ونتظر محمد هو الي يتصل ومحمد الله يهديه ماكان له وقت محمد يتصل بأي وقت "
انتظرته ساره لين الساعه 10 بالليل ولا دق
ساره / يمه لا يكون صار لمحمد شي ؟ مو من عادته للحين ما يدق علي " اتصل عليه انا ؟؟
لا لا ماراح اتصل يمكن اهله عنده ولا مشغول " بأنتظر ساعه بعد وان ما دق بأتصل "
وجلست ساره تناظر جوالها كل شوي وتناظر الساعه لين صارت 10 ونص ويتصل محمد "
ساره / هلا محمد بسم الله علي انت وينك ليه تأخرت علي ك هالقد ع بالي صار لك شي والله يارب تكون بخير طمني عليك الله يخليك
محمد / يه يه يه بسم الللللللللللله عليك يا روح روحي شوي شوي طيب هدي هدي " مايني الا العاافيه هذاني موجود " بس انشغلت شوي مع اهلي وعيال عمي وتوهم راحو "
ساره / طيب الله يخليك مره ثانيه لو بتتأخر علمني لا تخليني احاتيك طيب "
محمد / ساره " خفتي علي ؟
ساره / ايه اجل وشو بالله قسم بالله قلت صار له حاجه وخفت اتصل عليك اسبب لك احراج
محمد / يعني تحبيني
ساره / ايه أ .... ؟
محمد / كمليها كمليها "
ساره / احم ايوه اخبارك وش مسوي
محمد / هههههههههههههههههههههاي فديتها الي استحت ياناس
ساره /
محمد / ابشري يا عيون محمد ماعاد بخوفك علي وبأتصل عليك اذا بأتأخر وان ماقدرت اتصل بأرسل مسج حلو كذآ ؟
ساره / ايه كذا اوك
محمد / يابعد عمري والله انا اسف اذا اشغلتك علي "
ساره / لا عادي ماصار الا كل خير بس مدري شفيني قلقت عليك يوم ما اتصلت "
محمد / وشو وشو عيديها ههههههههههههه
ساره / وش هي ؟
محمد / وش صار فيك هههههههههههههههاي
ساره / ؟؟؟ بسم الله عليك وش جاك "
محمد / لا تكفه عيديها
ساره / وش هي "
محمد / وش صار لك يوم ما دقيت ؟
ساره / قلقت عليك
محمد / هههههههههههههههههههههههههههههههههههههههاي ياحلوهااا طالعه مثل العسل يابخت حرف القااف والله حتى هو يطلع دلع لا قلتيه
ساره/ ههههههههههههههاي وانا اقول شفيه هههههههههههاي عجبتك يعني
محمد / مووت ومنك بعد طالعه شي ثاني "
ساره / هههههه اجل بقولها لك ك شوي
محمد / ياليت والله " اممم ساره حبيبي
ساره / نعم ؟
محمد / ماعلمتيني وقلتي لي وش رأيك بالكلام الي قلته لك امس "
ساره / هااه وش تبيني اقول يعني "
محمد / مابيك انتي تتكلمين ابي قلبك يتكلم " ابي الي بقلبك انا لأنه هو الصح وهو الي ابيه "
ساره / ........ آآآآ والله مدري شقولك انا ما تخيلت بيوم انه بيجي شخص ويحبني ولا كنت فاهمه ولا عارفه وشو الحب اصلا كنت اسمع فيه واشوفه بالتلفزيون فلان يحب فلانه ومن هالكلام "
وفجأه محمد قاطع ساره وقال
محمد/ ساره هي كلمه وحده ايه - او - لا ؟
ساره / ايه او لا كيف يعني
محمد / ساره بلا عبط يعني متقبله اعجابي لك وحبي لك وانتي تبادليني هالشعور ولا لأ بس جاوبي ايه او لا
ساره / محمد انا ...
محمد / ساره ايه او لا وبس " يلا
ساره / ا ا ا ايه
محمد / ايه وشو
ساره / يوووو محمد خلاص عاد مو انت قلت اقول ايه او لا انا جاوبتك
محمد / <<< يتبسم " طيب وش قلتي ماسمعت
ساره/ قلت ايه
محمد/ ايه وشو تحبيني
ساره / ايه احبك
محمد / ياهووووووووووووووو اخيرآآ ياقلبي اخيرآآ قالتهااااااااااااا ياااربي اللهم لك الحمد الحمد لله ياربي حققت الي ببالي وخليتها تحبني وربي يا ساره كل يوم ادعي وقول يارب حبب هالبنت فيني وحببني فيها وخلي قلبها لي حالي "
والحمد لله ربي استجاب ودعوتي اوعدك يا قلبي انتي اني احافظ عليك وما ازعلك بحرف وان زعلتك براضيك
ماصدقت ع الله لقيتك مابي افرط فيك "
ساره / وانا بعد ماراح افرط فيك ان شاء الله
محمد / يابعد قلب محمد انتي والله "
وكل يوم عن يوم حب ساره ومحمد يكبر واستمرو شهر وشهرين و3 و4 وكملو سنه وسنتين "
صار عمر ساره 22 سنه وصار عمر محمد 26 سنه " وكل يوم عن يوم حبهم يزيد
لين جاء يوم وقال محمد لساره /
محمد / حبيبي "
ساره / هلا حياتي "
محمد / لو اتقدم لك توافقين
ساره / هااه
محمد / يالى الهااه ياشيخه افهم من كلامك انك موافقه
ساره / وين بلاقي مثلك يا محمد ؟
محمد / خلاص اجل راح اكلم الوالده والوالد وافاتحهم بالموضوع ان شاء الله "
ساره / تتوقع يوافقون ؟
محمد / امي اضمنيها بتوافق بس ابوي مدري عنه "
ساره / كيف يعني ؟
محمد / ابوي من النوع الي متشدد شوي حق ايام اول يعني عرفتي " ما يعترف ب - انا احب فلانه وابيها -
ساره / اهااا مافي مشكله الي ربي كاتبه بيصير "
محمد / ان شاء الله يكون كاتب ان لي لأني مستحيل اتخيل حياتي بدونك
ساره / وانا بعد
وبـ هالفتره تعرفت انا ع ساره بالكليه كنت ادرس فيها دوره - رخصه القياده الدوليه - وتعرفت عليها هناك
وصرن اكثر من خوات تشكيلي واشكي لها وترتاح لي وارتاح لها وحده طيبه طيبه اطيب منها ماشفت
غطت ع طيبتي انا "
وكانت تسولف لي عن محمد وكل يوك تمدحه لي ماقد جاء يوم وشفتها زعلانه او متضايقه منه او تقول عنه كلام موب زين "
كانت تستشيرني كثير يعني مثل
- محمد قالي كذا وكذا وش ارد عليه - واعلمها وش ترد طبعآ بحدود الادب والاخلاق لانه من جد هالانسان نادر وجوده "
شخص يحب بكل جوارحه واحاسيسه وكل يوم يعرف ساره اكثر واكثر ويحبها "
جاء يوم وقالت لي ساره ""
ساره / قطوه تدرين ان محمد يبي يتقدم لي ؟
انا / والله ابركها ساعه يختي زين قلتي لي بدري عشان افصل فستان
ساره / بلا هبال بس مدري تتوقعين اهله يوافقون
انا / امممم خليني اشوف وقفي بعيد لفي يمين - يسار مافيك عيب ههههههههههاي
ساره / وجع وانا اسمع كلامك مع وجهي
انا / يااا حبيبة قلبي الله يكتب لك الي فيه الخير
نقول بررب ونكمل بكرى دنا تعبت "
|