|
رد: نداااء الى كل طلاب مستوى ثاني ^_^
اقتباس:
المشاركة الأصلية كتبت بواسطة معقول
الله يعين
أمس مريت مكتبة المتنبي في الدمام وقلت له وش عندك مستوى ثاني ويطلع لي 16 مجلد ( هي مذكرات بس اشكالها مجلدات )
- رياضيات 2 أخذت حق فهد الشمري ( بس يوم اني رجعت جاتني فرصة في الليل وقلبته شغلة ساعتين ولقيت موضوع القيم العظمى ونقطة الانقلاب ماهي موجودة ) ولكن مايهم اذا شطبت على ذي ملحوق على الدرس اللي ناقص . طيب كيف عرفت بموضوع القيم العظمى ونقطة الانقلاب لطشت أسئلة الاختبارات اللي منزلها ولد الحفر وخذت لي فره على الاسئلة .
----------------------------------
- محاسبة 2 : لقيت عندهم مذكرتين الاولى محتوى والثانية لبزنس وقارنت بينهم لقيت بزنس ناسخ المحتوى ومضبطه عنده فقررت اخذ مذكرة بزنس وفي نفس الوقت نزلت المحاضرات من منتدى الجامعة ولطشت الاسئلة المصورة صحيح ماهي واضحه ولكن تنفع الواحد في انه يعرف طريقة الدكتور .
-----------------------------------
- الانجليزي : لقيت له مذكره وحيده اللي هي المحتوى وشفتها مرتبة صحيح ان الدكتور يقولون بيستقيل وكلام كثير بس يوم اني فتحت المذكرة لقيت فيها القواعد والكلمات وهذا اللي يهم مبدئيا الباقي اذا ثبت الدكتور اراجع مقرره ونفس الكلام لطشنا اسئلة الاختبار .
------------------------------------
- التقنية : لقيت مذكرتين الاولى محتوى والثانية لدلو جيت ابغى اخذ المحتوى قال لي المصور احسن لك خذ دلو قلت خلاص براسك واخذتها ولطشنا الاسئلة بعد .
---------------------------------
- الاقتصاد الكلي : مايبي لها واحد اثنين مذكرة الحبيب أبو موزة الله يشفيه ونزلت محاضراتها كلها ولطشنا اسئلة الاختبار .
-------------------------------
- صحه ولياقة : برضو مذكرة الحبيب أبو موزة .
------------------------------------------------------------------------------------------------------------------------
على علبة اقلام وعلبة مراسم والله لايهينك غلفها سلك علشان ماتضيع وآخر العلم يا 120 ريال
------------------------------------------------------------------------------------------------------------------------
أنا مداوم من بكرة ان شاء الله
وجدولي راح يكون :
شهر رجب : رياضيات ومحاسبة .
شهر شعبان : اقتصاد كلي وتقنية .
شهر رمضان : انجليزي وصحه .
واللي نقصر فيه متلاحقين وقت الدراسة القصد اذا فيه وقت فراغ يستغله الواحد في شي مفيد واذا مافيه وقت فراغ يخليها الواحد لوقت فراغه .
|
الله يعطيك الف عافيه ابو محمد على مرورك وهالمعلومات اللي اضافت لي
انا شخصيا بعتمد على المحاضرات + المحتوى + راح الخص كل ماده لنفسي
واحلى شئ انك نزلت لي جدولك لجل ارتب جدولي عليه ودي نختم المواد سوواء
ونبتدي نراجع معلومات بعض .. اتمنى ما تقطع ومقدررة انشغالك بالدووام
والله يا خوي الحال من بعضه الان انا داخله من دوامي هم المكتب من جهه
وهم الجامعه من جهه ثاني وكله كوووم وهم النتايج كوم ثاني
ما اقول الا الله يكون بالعوون .. الا بسألك .. في تواصل بينك وبين جريح ...!!
ضاق صدرري يوم شفت توقيعه ما اقول الا الله يكتب له الخيرر ويوفقه وين ما يكون ..
|