جيتك أبايع
يا قلبي المشتاق جيتك أهنيك @@@ في أمنيه بأعماق نفسك تبيها
كم ليله عدت وانا شايف فيك @@@ عينك بها لمحه حزن تكتسيها
واحزانك اللي بين الاضلاع تكويك @@@ وأنفاس حزن من ألم يكتويها
مافيه شي في حياتك يسليك @@@ اتفضل العزله ولا تشتهيها
من شان من بعده عن العين يشقيك @@@ عين تبي من غاب يوم يجيها
النوم من غاب الملك دوم ناسيك @@@ ودك تشيل آلامه وتحتويها
خل الحزن او قول له بس يخليك @@@ لان السعاده بنفسي أحس فيها
يعني وصل اللي تمنيته يجيك @@@ واللي تمنى يعود شعبه إليها
الوالد اللي إبتسامته تغنيك @@@ عن إبتسامه شمس تفتح يديها
قلط يابو متعب عسى الله يحييك @@@ عوده سموك لحظه ننتشيها
العقل , هذا القلب والنفس تغليك @@@ تحمد إله الكون إنك لديها
الابجديه كلها ما توفيك @@@ معنى صفاتك دايم تعتليها
حنا دعينا الله بلحاح يشفيك @@@ دعوات حب صادقه انهديها
لانك ملكت الطيب بكفوف اياديك @@@ اللي تعلمنا وعشنا عليها
اجمل مثال انا نحبك ابعطيك @@@ يوم البعض شعوبها ما تبيها
اطفال شيبان وشباب تناديك @@@ تدعي وتتمنى بانك تجيها
هذي قصيده لجيتك كنت أبهديك @@@ مده طويله يجوز عدت عليها
لكن بقى الاحساس عايش حواليك @@@ لانه شذى شخصيتك يهتويها
واليوم 6 سنين عدت وألاقيك @@@ تستاهل البيعه ولا ندّعيها
جيتك أبايع وأدعي الله يحميك @@@ ويعز دولتنا معك ويحميها