ملتقى طلاب وطالبات جامعة الملك فيصل,جامعة الدمام - عرض مشاركة واحدة

تشتيتي مركز · #1 2011- 6- 12

مراحب جميعا ...
لي كم يوم عاكفه على النت .. اتابع مواضيع المنتدى .. ما بين من يتفلسف تفلسف هادف ومن يشجب ويستنكر .. ومن يحط لك عنوان تهاويييييل تجي ما تشوف الدرب .. ماسك راسك .. وبالاخير تلقى السالفه الله بالخير وفيه من يحط موضوع تستفيد منه ومن كل حرف مكتوب فيه ..

صراحه اثرتو قريحتي .. ومن كم يوم احاول اطلع بموضوع يرضي طموحاتي .. بردودكم .. ومنها اشغل مخي قبل ينجلط من انتظار النتايج ..
اول كلمه طرت على بالي كانت (( مخ )) ومو من فراع الا من الزلزال اللي جا مخي من الامتحانات واظنه تسونامي بكبره هز خلاياي الفكريه ... المهم عجزت يركد احس فيه نفاضه للحين ..
فكرت وش السوات وشلون ارجع واعيد تنظيمه والملمه بعد اللي صار .. شكلي ابطلب مساعد اليابانيين مشاءالله ضبطو ديرتهم بيومين .. >> نموذج مثالي عن الاداره الكفؤه..

ثقافه التفلسف بين المزح والجد ..>> وش رايكم بهالعباره ..
تعني لي الكثير صراحه ..
اول شي اللي اعرفه ان الناس ثقافات ... وحنا هنا بمنتدى واحد وكلن يعبر عن نفسه بردوده وتوقيعه .. ومن هنا انا احكم على الناس .. واصيغ اسلوب ردي عليهم ..
طيب بالنسبه للجامعه كيف تعرف ثقفاتنا وفروقاتنا الفرديه .. اذا كان الاختبار اختياري الله يديمه .. والنقاشات لطش يا من ملزمه يا من منتدى برضوو الله يديمه .... والواجب طب وتنقى ولك ثلاث محاولات وبرضوو الله يديمه ولا يغير علينا ..
ثلاثين درجه بجيبك بس انت تابع اول باول مو اخر لحظه وتقول بلاك بوردوهم خربان بعذره جاه فيضان انكبيتووو مره وحده لو هو نيوتن مخترع هالنظام كان جاه اللي جا نظامنا ..
نرجع لسابق ذي بدء .. يعني كل شي سهالات وعلى قول حنفي ذي الدنيا سههههله خاللللص .. وما فيه شي يجي ببلاش وما تجتمع دراسه ووناسه سهله صح بس يبيله ((مخ )) <<
بس السؤال اللي يطرح نفسه لما نتخرج .. بنقدر نعبرر عن اللي درسناه بلسان طلق .. والا بنصير زي اللي شارري شهادته وقرا له كم كتاب عن قولت ..

نصيحتي دامنا باول الترم .. خل نعزز ثقافتنا عشان تصير امورنا صح .. ونثبت وجودنا مستقبلا ..

لان الدنيا ما تسوى بلا تفلسف .. والتفلسف ما ينتج عن ثقافه ضحله ..

موضوع هادف بلا هدف .. على حبتين تفلسف

ودمتم سالمين