|
رد: سجل حضورك اليومي بكتابة بيت من الشعر
إليا جهلت انشد ترى مابها عيب ... لاتنخدع للجهل وانت السبايب
عيب الفتى مافيه شكٍ ولا ريب ... ترك الفروض وقطع وصل القرايب
والعيب ترك ملزمات المواجيب ... وتبع الردا ومجالسة كل خايب
فالتجربه برهان مافيه تكذيب ... وليا جهلت انشد من القوم شايب
ولا اقول يوجد شايبٍ يعلم الغيب ... الغيب يعلم به مدير الهبايب
لاشك يوجد شايبٍ له تجاريب ... ومن الدهر شاف الفكر والعجايب
بيضٍ نواصي جبهته كلها شيب ... من كثر ما مرت عليه المصايب
قد صارع الدنيا على الخبث والطيب ... في البحر والا فوق عوص النجايب
رشيد الزلامي
|