ام محمد / لا اله الا الله طيب نروح نشوفها بس وعقب انت احكم
ابو محمد / وين بيتهم ؟
ام محمد / شرقاويه البنت "
ابو محمد / بعد يعني بيتهم مو هنا بجده ؟
ام محمد / صراحه لا "
ابو محمد / اغسلو يدكم بس واخطبي له من بنات اختك ولا انا اشوف له من بنات اعمامه وحده " كلهم يتمنونه اصلا "
ام محمد / انا لله يابو عبد الله "
ابو محمد / اسكري الشر دام النفس عليك طيبه انتي وعيالك وش تبين يقولون علينا جماعتنا ؟
ابو عبد الله مزوج ولده وحده من برى العائله والله فيها دم ورقاب "
ام محمد / واحنا وش علينا بالناس همنا سعاده ولدنا وبس وش بيفيدونا فيه الناس ؟
بو محمد / اسمعي ياحرمه كلام يوصلك ويتعداك انتي وعيالك من برى العااائله مافيه ولا مو لازم يتزوج
ام محمد /
وراحت لمحمد وقالت له كل الكلام الي قاله ابوه طبعآآ محمد تنرفز وعصب وراح لأبوه وكلمه
محمد / يبه " ليه لازم اتزوج من العائله طيب انا مابي يا يبه
ابو محمد / ياولد اكسر الشر واسمع الكلام الي قلته لأمك وش تبي الناس يقولون علي ؟
محمد / وش علي انا بكلام الناس يايبه زمانكم غير عن زماننا انا في وحده احبها وابيها ومابي غيرها
ابو محمد / مالكيه ؟ من العائله ؟ من الجماعه ؟
محمد / ما اتوقع مالكيه ومو من عائلتنا
ابو محمد / تتوقع ؟ ومن هذه وكيف عرفتها ومتى ووين
محمد / عرفتها وبس "
ابو محمد / تكلم بنات من وراي ياقليل الأدب ياعديم التربيه
هذه اخره دلع امك لك صار ولدك يكلم بنات يا منيره : فرحانه الحين
رجال طول بعرض بشوارب يكلم بنات
ام محمد / هدي بالك يابو محمد الولد ماغلط
ابو محمد / اي ماغلط وهو يكلم بنات ويحبهم حسبي الله ونعم الوكيل فيك من ولد نسونجي ويكلم لي بنات ترى عندك خوات خاف ربك
محمد / يايبه انا ماسويت لبنت الناس شي حرام ولا موب زين انا حبيتها ولأني حبيتها قلت اجيهم من الباب "واتزوجها ع سنه الله ورسوله
ابو محمد / لا ياشيخ . حبيتها وخلصت وعقب قلت ابيها وليه من اول ماقلت لأمك ابي اتزوج ليه تروح وتحب هذه اخره ربعك لا بارك الله فيهم من ربع " كلهم رفقه سوء
ام محمد / يابو محمد هدي بالك لا يرتفع ضغطك
ابو محمد / وتحترينه لين يرتفع ولدك ذا بيجلطني مو بس بيرفع ضغطي حسبي الله ونعم الوكيل فيك يا محمد
محمد / اووووووه انا طالع "
ام محمد / يا محمد يا محمد ياولدي لا تطلع وانا زعلان يامحمد
ابو محمد / بالي ما يحظه راعي البنات اسمعي الشهر الجاي عرس هالولد على بنت عمه ( حنان ) وقسم بالله لا يزوجها ورجله فوق راسه
ام محمد / يابو محمد لا تقول كذا حرام عليك طيب نشوف البنت اذا ماعجبتك نتركها مولازم "
ابو محمد / ولا ابي اشوفها ولا يشرفني من اساسه " وكلامي قلته وخلاص ولا قسم بالله لا تلحقين ولدك لبيت اهلك ومعاك ورقتك تسمعين
ام محمد / لا اله الا الله هذا وبعد ماشفنا البنت وصارت هوشه بين محمد وابوه لا حول ولا قوة الا بالله "
بـ هالوقت كانت ساره عايشه اجواء رومنسيه ومشغله اغاني وجالسه تستشور شعرها مع انه مايحتاج ماشاء الله شعرها حرير "
وكانت تدندن ومستانسه ومروقه
ومحمد راح بسيارته وقعد يمشي ومايدري وين يروح وايش يقول لـ ساره لا كلمها "
راح للبحر ونزل وجلس ع الشاطئ " وجلس يناظر البحر ويتنهد ويفكر بكلام يقوله لـ ساره "
وقعد يتخيل شلون بعيش بدونها شلون ما بأتزوجها " هو يعرف ابوه راعي كلمه وحده وخلاص ما يتناقش فيها
وماسمعه يوم قال ترى محمد لحنان بنت عمه
جلس يقول :
محمد / شلون شلون كذا طيب ليه ؟؟ ليه ما اتزوج من برى العائله ؟ انا حبيت البنت وابيها وقلت بأخطبها ؟ وين الغلط الي سويته ؟
ليه كل ما اقول ابي وحده يصير شي وتبعد عني ؟
انا ابي ساره ياربي
ما اقدر اتخيل نفسي مع وحده ثانيه ماراح اتزوج ولا هم يحزنون احسن عشان لا اتركها
ياربي انا وعدتها
قلت ماراح اخليك شلون بيوم وليله اتزوج غيرها واتركها ؟ والله ان امووت "
وبـهالوقت دقت ساره "
ساره / هلا حبيبي " اسمع اسمع بسمعك هالمقطع وعقب نتكلم اسمع اهداء مني "
(( عسى ربي يخليك لعيوني وعسا ربي يخليني لعيونك حبيبي دنيتك صعبه بدوني ولا شي دنيتي تسوى بدونك اما مغرم ياغالي فيك وادعي ربي يخليك اذا عني - بعدت - يجن جنوني لأنك صرت اغلى من عيوني ))
محمد // لا شهوريا
ساره / حبيبي شرايك بالإهداء ؟
محمد / << يمسح دموعه "" مثل راعيته طبعآ اكيد يهبل ""
ساره / انت الي تهبل والله قاعده استشور شعري "واسمعها ع طول تذكرتك قلت اكلمك واسمعك اياها "
وبعدين غريبه اليوم كله وينك عني ؟. ماكلمتني وشو ماوحشتك ؟
محمد / الا ياقلبي
وحشتيني
ساره / اممم محمد ؟؟ فيك شي ؟
محمد / لا ياغلاة محمد مافيني الا العافيه "
ساره / مدري بس صوتك مو عاجبني "
محمد / لا بس فيني نوم ومانمت من الصبح
ساره / اهااا طيب يا قلبي اجل دامك من الصبح صاحي انا اتركك تنام ولاحقين ع السواليف الزم ماعلي راحتك "
محمد /
اوك "
ساره / ؟؟؟ متأكد مافيك شي ؟
محمد / لا ياعيونه مافيني شي بس بنام ولا قمت بصير احسن
ساره / تصير احسن ؟؟ ليه فيك شي حبيبي ؟
محمد / لا ياسارونه خلاص ممكن تتركيني انام
ساره / اوك ع راحتك مع السلامه
محمد / ساره
ساره / هلا
محمد / احبك
ساره / ههههههههههاي ياعمري انت وانا بعد
محمد/ يلا مع السلامه "
ساره / باي "
بسم الله قلبي قرصني شفيه محمد ؟؟ مو من عوايده ان شاء الله مايكون فيه شي "
ومن هاليوم ومحمد صار صديق ( الدخان ) 24 ساعه السقااره بيده ما ينزلها يخلص بكت ويفتح الي بعده
وكمل شهر ونص بالتمام وجاه ابوه وقاله يوم الأربعاء الجاي كتب كتابك ع بنت عمك حنان
محمد / وش حنان وش كتاب مابيها يايبه
ابو محمد / تبيها ورجلك فوق راسك مو برضاك اجل تبيني احتريك لين يوصل للناس ان ولدي مو متربي ويعرف بنات ؟
محمد / يا يبه وش هالكلام الله يهديك وشو مو متربي انت مربيني احسن تربيه بس يا يبه مافي شي بالقوه
ابو محمد / بتتزوج حنان وخلاص
محمد / ماراح اتزوجها
ابو محمد / والله ماني راضي عليك دنيآ واخره اذا ماتزوجت حنان
ام محمد / وش هالكلام يابو محمد
محمد/ يبه ليه كذا ليه
ابو محمد / كلامي انتهى وكلمت اخوي ناصر وقلت له عن البنت ووافق والاربعا الجاي كتب الكتاب والعرس الخميس
محمد / يايبه والله حرام عليك حرام
ابو محمد / حرمت عيشتك انا ادور مصلحتك الي انت مو عارفها "
محمد/ استغفر الله العلي العظيم استغفر الله العلي العظيم
وراح لبرى
ابو محمد / توك تعرف ربي ؟ ولد قليل ادب هذا بدال مايبوس راسي وتقولي امر وسم يا يبه يوقف يوجهي ويصيح زي الحريم "
ام محمد / يابو محمد
ويقاطعها
ابو محمد / اووووووووووووص كلمه ثانيه لا ارمي عليك اليمين بالثلاث
ام محمد / لا اله الا الله لا اله الا الله "
وطلع محمد بسيارته وهو منهاااااااااااار وماقدر ع طول دق ع ساره وهو حالته حاله "