|
رد: " مجٍ'ـَـَنۈن منٍ لقأ‘مثلٍ [ قلبيُ ] ۈ عٍ'ـَـَآفــﮧ . . . ‘ !
انا / هلا بقلبي اخبارك يختي كم يوم وانتي ع بالي "
ساره / الحمد لله عايشه
انا / ويه تصدقين ع بالي متي ؟؟ بلا هبال وش عايشه ذي شفيك ؟
ساره / تعبانه ياقطوه تعبانه  ابوي مايبي يزوجني لأحد واحاتي محمد صار له كم شهر وقف اتصالاته لي ورسايله
انا / ابوك من يومه مخرف مو شي جديد سامحيني ع هالكلمه 
ومحمد يمكن اقتنع بإنك ماعاد بتردين عليه وانشغل مع زوجته وقال اتركها بحالها "
ساره / يمكن  كل شي جااائز
انا / يابنت الحلال صلي على النبي واستهدي بالله " وحاولي تنسين محمد بأي شي او تتناسينه
ياساره ياحبيبتي الولد تزوج وصار عنده ولد وخلاك تسمينه بعد مع وجهه يعني خلالالالاص افهمي انه كون بيت واسره وصار مشغول عنهم "
ساره/ المشكله ماني قادره اطلعه من راسي "
انا / مايخالف ياقلبي حاولي عشان ترتاحين ومع الوقت صدقيني بتنسينه "
ساره / انتي ماتفهمين ؟ يا قطوه اقولك اول حب بحياتي اول حبببببببب والمشكله عوضني عن كل شي
عن امي عن ابوي عن صديقاتي عن الصدمات الي انصدمتها بالناس كان معاي بكل وقت وبكل دقيقه وقت مابيه الاقيه ان صحت ادق عليه ويهديني
وان تضايقت اكلمه وع طول اهدى كلامه يريحني وصوته يهديني وانا براسي ان هالإنسان بيكون لي
فجأه بيوم وليله خلاص كل شي بح خلاص ماعاد في محمد
انا / لا اله الا الله ادري ياقلبي الي صار لك مو شوي لكن وش بتسوين مثلا ؟؟ يعني لا صحتي او ما اكلتي او مانمتي بيرجع لك ؟
ع بالك لو درى انك تسوين كل هالخربطه بيستانس ؟ يكفي انه تزوج غصب عنه وماكان بيده اي حل والسبب ابوه "
وانتي بنفسك قلتي له اسمع كلام اهلك ومدري ايش خلاص اسكتي اجل
ساره / والله اقوله كذا واتقطع من داخلي وذابحني الصياح لكن مدري شسوي
انا / لاتسوين شي الي سويته هو الصح وبـ تطنيشك له اذا اتصل او رسل دليل ع انك تحبينه وماتبين تخربين عليه حياته الزوجيه
ساره / خلاص يا قطوه كافي كلامك يقطعني لا تقولين حياته وزوجته خلاص
انا / انا لله يختي ليه تزعلون من كلمه الحق وان سكتنا تقولون انصحونا وان نصحنا تزعلون ؟ وش تبيني اقولك ؟
اقول لا انتظريه بيرجع لك ابد بيطلق زوجته ويكسر كلام اهله ويتركهم ويوفق بوجههم ويتزوجك "
اصلا ابوك مابيواااااااااااافق ترك مدري كم معرس وبيوافق ع محمد صح
ساره / خلاص كافي كافي ارحميني
انا / ياعمري والله ياساره كلامي لمصلحتك مو قاعده اقولك عشان اقهرك او اجرحك قاعده اقول لك الواقع ألأنك صديقتي وحبيبتي والي يزعلك يزعلني لكن من واجبي واقل واجباتي اني انصحك واخفف عليه عشان تقتنعين بكلامي "
لازم اقولك كذا بتزوعلين الحين بس لا فكرتي فيه بتعرفين انه صح "
ساره / قطوه قومي تعالي لي خاطري اصيح تعالي ضميني والله تعبانه "
انا / ياعمري ابشري عطيني ربع ساعه وانا عندك
ورحت لها البيت ومن عند الباب ضمتني وقامت تصيح
خليتها تصيح عشان يطلع الي بخاطرها وترتاح وقلت لها
انا / آآه بس هذه اخرت االحب وماحب قلنا لكم لا تحبون محد سمع كلامي " بس ياقلبي بس "
المهم وجلست اهدي فيها لين سكتت "
ساره / قطوه "
انا / عنونها وقلبها امري
ساره / ابي ارسل لمحمد "
انا / وش ترسلين ؟؟ اقول اهجدي الحين كم صار له يتصل ويرسل وانتي ماتردين ويقطع فجأه ويرجع يرسل ويتصل وانتي سااحبه عليه
الحين كذا بيوم وليله بسم الله الرحمن الرحين ترسلين له ؟؟ اركدي بس
ساره / طيب منشغل بالي عليه هو يقطع بس مو كذآ فتره ويتصل " يمه قطوه لايكون مات
انا / وووووووووووووووجع وش هالكلام مات ومامات عمآآ لا تقولين كذا 
سار / طيب وش تفسرين غيابه ؟؟
انا / انا لله من هالبنت الي ما تقتنع يختي افهميها حس انك خلاص ماعاد بتردين فهون يتصل خلاص اتركيه بحاله
ساره / انتي تقولين كذا لأنك ماقد حبيتي والله لو تحبين واحد من قلب مابتقولين كذآ بتكونين 24 ساعه مشتاقه له وملهوفه ع صوته وتبين تسمعينه
انا/ ترى ذليتو ابو ابوي لو حبيتي لو حبيتي مره شايفتك فرحانه ومتشققه يومك حبيتي هذاك بحضني وميته صياح " وش فادك الحب ؟
ساره / ماراح تفهمين كلامي كنت مثلك واقول اخص منك لكن يوم جربته حسيت انه شي حلو وخاصه من الرجال الي مثل محمد "
انا /  ماراح ارد عليك عشان لا ندخل بسين وجيم وانتي منتي ناقصه "
ساره / قد جربتي تحبين ؟
انا / لا ابد ولا ابي يختي ماشفت وحده حبت واخر شي مستانسه لازم يصير شي بالأخير يضايقها "
ساره / ما راح تفهميييييين والله لين تجربين "
المهم وجلسنا انا وياها قيل وقال المهم بجلسنا تقريبآآآ اسبوع والوضع لازال عليه ما ندري عن محمد "
وفجأاه جاء يوم ويدق محمد ع ساره "
ساره / يووو يوو محمد يااربي ارد ولا ما ارد ودي ارد وودي ما ارد ياربي شسوي "
المهم قعدت محتاره ترد او لا لين سكر "
شوي رسل لها - الله يخليك ردي علي بقولك شي ضروووووووووووري اسمعيه بس واوعدك ماعاد اتصل مره ثانيه -
ساره هنا خااافت يوم شافت كلمه ماعاد بأتصل عليك مره ثانيه قالت لا لا بس اكيد صار شي "
ودق وردت عليه اخيرآ من عقب كم شهر ومحاولات ورسائل "
ساره / الو هلا محمد
محمد / يووووووووووووووووه يوووووووووووووووووووووه ياا الله من متى وانا مشتاق اسمع هالصوت
ساره /
محمد / وحشتيني والله وحشتيني "
ساره /
محمد / ليه ماكنتي تردين علي قبل ؟؟ والله بس كنت ابي اسمع صوتك واتطمن عليك واسكر ساعات اكون متضايق وساعات خانقتني العبره وابغاك توقفين معاي بس ما الاقيك جنبي
ليه ياساره تركتيني لحالي مع اننا متواعدين اننا مانترك بعض ؟
ساره / محمد "
محمد / يا عيون محمد
ساره / لا تقولي ياعيون محمد الله يخليك هالكلمه تقطع قلبي ويوجعه "
محمد / حاضر على امرك
ساره / انا كنت ما ارد عليك لأني لو رديت مره برد المرات الي عقبها وانا بصراحه حطيت نفسي مكان زوجك وش موقفي لو سمعت او دريت ان زوجي يكلم ويحب غيري والله شي يوجع ويسكر الخاطر وحرام انا اتسبب بكسر زوجتك وبرضو مابي يجي يوم واتزوج وينكسر شي بداخلي من تصرف يسويه زوجي "
محمد / طيب كان رديتي علي بس وشفتي وش ابي اقول
ساره / قلت لك يا محمد لو رديت مره برد المرات الي بعدها
محمد / ساره "
ساره / هلا
محمد / ساره انا محتاج لك لا تخليني ياساره
ساره / محمد لا تقول كذا
محمد / ليه تركتيني ياساره ليه ماتدرين غيابك وش سوى فيني ؟؟
ساره / مو بيدي يا محمد غصب عني والله " وسويت هالشي عشانك مو عشاني مابي اسبب لك مشاكل
محمد / ساره :: تدرين الفتره الي قطعت عنك فيها وين كنت ؟؟
ساره / وين ؟؟؟؟؟؟؟؟؟؟؟؟؟
محمد / كنت بأمريكآآآ
ساره / ؟؟؟؟ طيب
محمد / تدرين انا هناك ليه ؟؟
ساره / ليه ؟؟؟؟؟؟؟ 
محمد / رحت مثل كل شهر كنت اروح له هناك
ساره / كل شهر تروح امريكا ليه ؟؟
محمد / التدخين ذبحني اذخن باليوم بكتاااااات ياكثرها احاول انى الجو الي انا عايشه حتى بالبيت ما اجلس ولدي مدري عنه وزوجتي دايما تتشكى عند امي مني صرت ما اقعد بالبيت و24 ساعه ادخن لا ال اكله زي الناس ولا شرب اشربه حتى النوم ما انامه زين "
كاره زوجتي كارهها بكل ما تعنيه الكلمه مع انها ماسوت لي شي " لكن مابيهاا وكل ما اشوفها اتخيلك وهالشي يكسر فيني مليون شي
صرت ادخن وادخن وادخن وادخن لين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ساره / لين ايش وش فيك سكت ؟
محمد / ساره "" انا الحين مريض بسرطان في الدم من كثر ما ادخن " واروح امريكا اغير دمي كله كامل لان هالشي ماله علاج " كم مره اتمنى الموت ولا اغير دمي هالشي يهد الحيل بشكل مو طبيعي
ساره / ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ <<< حاله صمت فضيعه وعقب قالت ""
ساره / هااااه و و و ووووشششش قلت ؟؟؟؟
محمد << صاح وقال / انا مريض بالسرطان يا ساره كم مره احتجتك معاي وبغيتك جنبي كل ماا ابي اسافر احط براسي بروح وماراح ارجع الا بكفني وادق ابغآ اتأسف منك واقولك سامحيني ع كل شي بس ماتردين
ويكتب ربي عمر وارجع واتصل عليك وماتردين وانا بكرى بسافر ابغاك تسامحيني ياساره ما اضمن عمري مدري بأي وقت بموت ابغاك تحليلني ادري تعبتك معاي لكن مو بيدي
من كثر ما افكر فيك صرت ادخن وجاني المرض وخبيث بعد "
ساره / :bawl ing:
محمد / لا تصيحين ياقلبي الأعمار بيد الله سبحانه وتعالى ولا هههه ابشرك زوجتي المصون يوم درت اني مريض راحت بيت اهلها واخذت ولدي معها "
شفتي زوجتي كيف واقفه معاي بمنحتي ؟؟ انا بشقتي لحالي من 7 شهور وادق عليك ماتردين علي كنت اتألم من جسمي وبس ابغاك تخففين علي بصوتك ما ابغاك تجين لكن الحمد لله
ساره طبعآآ انهاااارت من كثر الصياح وجاتها حالة اكتئااب شديده من بعد ماقالها محمد هالشي وسكر الخط وهي ميته ميته من البكااااء
انا يوم قالت لي ماقدرت امسك نفسي وصحت لين قلت بس مع انه مالي دخل بالموضوع بس حطيت نفسي مكانها والله صدممممممممممه صدمه
المهم : بعد هالمكالمه ماعاد دق ولا رسل وجلس شهرين وعقبها اتصل ع ساره "
|