2011- 6- 15
|
#464
|
|
المٌشٍرفه العَآمه على منتدى كلية إدآره اعًمًالٌ سابقاً
|
رد: " مجٍ'ـَـَنۈن منٍ لقأ‘مثلٍ [ قلبيُ ] ۈ عٍ'ـَـَآفــﮧ . . . ‘ !
ساره من شافت اتصاله ع طول ردت "
ساره/ هلا حبيبي  ياعمري انت
محمد / ياقلبي من زمان ماسمعت هالكلمه
ساره/ اخبارك الحين عساك احسن
محمد / والله شوفت عينك لا جديد بس ضعفت مرررره وطلعت من دوامي لأني مدري بأي وقت راح افارق هالدنيأ
هالمرض متعبني بس الحمد لله ع كل حال - ان الله اذا احب عبدآ ابتلاه -
ساره / ياحبيبي يا محمد ليتني عندك عشان اقوم فيك
محمد / لالالالا والله لا تخترعين من شكلي صار يخوف  خليني بشقتي كذا لحالي وكل شهر اسافر اغير
ساره/ طيب محد يجيك ؟
محمد / الا امي وخواتي واخواني دايما عندي بس احب اجلس لحالي وابوي ليومك ذا ماشفته تقول امي حاس بتأنيب الضمير وانا والله ماني طايق اناظر بوجهه هو السبب بكل الي صار
ساره / لا تقول كذا يا محمد هذا ابوك مهما كان
محمد / انتي باقي قلبك طيب؟؟ ترى هالزمن ما تنفع فيه الطيبه
ساره / زوجتك مارجعت ؟
محمد / طلقتها
ساره / لييييييييييييييييييييييييييييييييييييييييييييييييه حرام عليك وولدك "
محمد / حرام اربطها معاي صغيره وحلوه خليها تعيش حياتها انا مصيري اموت تصير مطلقه احسن من انها تصير ارمله وهي خلقه اصلا من درت اني مريض بسرطان تركتني وش ابي بوحده كذا
امي ليل نهار تدعي عليها لكن وش الفايده بالله هذا هو زواج الأهل ماوراه الا المصايب "
ساره/ محمد لا تقول بموت ومدري ايش الله يخليك "  الله يكتب لك عمر ان شاء الله وتشوف فهود كبير وتزوجه وتشوف عياله وعيال عياله بعد الأعمار بيد ربي "
محمد/ ونعم بالله بس ماظنتي بطول المرض منتشر وخالص وجسمي ماعاد يتحمل اكثر ياساره
ساره /  محمد لا تقول كذا الله يخليك "
محمد/ يا حبيبتي انتي " المهم يا قلبي انا داق اسلم عليك قبل لا انام وزين انك رديتي بس حبيت اتطمن عليك توصين ع شي
ساره / لا تنام خلك معاي
محمد/ بكرى طيارتي ياقلبي لازم انام بيجي اخوي ونروح المطار ونسافر "
ساره / طيب متى بترجع ؟
محمد / ع حسب الدكتور هو الي يقول اذا خلاص نرجع ساعات اجلس 4 او 5 ايام او اسبوع وقت ما يكتب لي خروج ارجع
ساره/ حبيبي اعرف وحده كان فيها هالمرض بدمها زيك لكن تعالجت منه وراح الحمد لله
محمد / حبيبي فيني الخبيث مو الحميد
ساره / الي يكون يا محمد لا تيأس دور ع علاج هنا وهنا في كثير كان فيهم وراح
محمد / وكثير فيهم وماتوو
ساره/ ياربي لا عاد تقول هالكلمه الله يخلك يكفي اني اموت باليوم ميه مره من كثر ما افكر فيك
محمد / بسم الله عليك جعل يومي قبل يومك ياغاليه " اوك ياقلبي بنام انا طيب
ساره / اوك تصبح ع خير واول ماتقوم ارسل لي الله يخليك وطمني
محمد / الله يكتب لي عمر ان شاء الله وارسل لك
وعلى هالحال كمل محمد بمرضه سنتين رايح جاء يغير دمه ويرجع وصارت مكالماته لساره قليله بحجه مابيها تتعود ويجي يوم وتجيها رساله من جوالي ع جولها - انتقل محمد لرحمه الله -
كان يبغاها تعيش حياتها طبيعي حالهاا حال اي بنت بس اوقات يشتاق لها وكل مابغى يسافر يكلمها ويتأسف منها ويروح
كانت ساره طول هالوقت تدور عند الناس وشرت لها لاب توب وصارت تدخل نت وتسأل وتدور لقت اسم دكتور
كان اسمه عبد الله كاتبين عنه انه يعالج الي فيهم مرض السرطان
ع طول اخذت رقمه ورسلته لمحمد بس محمد قالها مابيه والي ربي كاتبه بيصير كان مررررررررررره مستسلم للمرض ومايدري متى راح يموت "
وماصبرت ساره صارت تقرى وتقرى وتصلي قيام الليل والضحآ وكل ما صلت تدعي وتقول
يارت لا تخفف عن محمد يارب اشفيييييييييييه من هالمرض اللهم انك قادر على كل شي وكل مادعت تبكي
وهي حاطه براسها انه ميت ميت لكن كانت تدعي لأنه سبحان الله محد عارف وش بيصير "
والمهم جينا ع السنه الـ 3 ومحمد قطع ساره فتره طوييييييييله وساره تعودت ع انه يتصل من فتره لفتره وان طول تنتظر المسج بس الي فيه خبر وفاته
استسلمت للأمر الواقع وماعاد صار بيدها حيله "
بعد فتره رسل محمد لساره وقالها
(( راح اسافر لألمانيا انا اخوي الكبير يقولون ان هناك مستشفيات متخصصه بـ هالأمراض ورسلت لهم اوراقي وقالو لي تعال واخوي رتب كل شي وبسافر معاه بكرى )) ادعي لي ياساره :
وساره من وقتها وهي ماغير تصلي وتصلي هي والسجاده صارو ربع "
وجلس اسبوع وعقب جاها مسج منه يقول (( بعد شوي بدخل العمليه يا ساره ان مت سامحيني )) وابيك تعرفين اني اموت عليك وحبيتك من قلبي واتذكري محمد بالخير
لأن العمليه مو مضمونه لكني بجازف لأني كذا ولا كذآ ميت ميت -
هنا ساره رسلت لي ولكن من عندها بالجوال ادعو لـ ... وماقالت اسمه بالشفاء العاجل
قصدها قولو الله يقومه بالسلامه بس مولازم تعرفون من هو
الزبده "
قلت لها "
انا / وشو ترسلين كذا طيب مين واحد وحده يدعون الناس بس كذآ
ساره / مالهم دخل من هوو يدعون وخلاص :: قطوه ؟ تتوقعين محمد بيعيش ؟
انا / ياقلبي الأعمار بيد الله ما ادري انا
ساره / لا ابي احساسك ذا الي كل مره تحسنه وش حاسه فيه انتي ؟
انا / مدري بس وناظرتها شوي وعقب ابتسمت وقلت لها  ان شاء يقوم بالسلامه "
ساره/ آآآه يارب يارب
وجلس محمد عقب هالرساله 3 اسابيع "
ساره كل يوم كانت تقول ماصارت عمليه من رسل مارسل عقبها شكله مات
وحطت براسها انه مات خلاص ودقت ع جواله لقته مقفل
وبس استسلمت للأمر الواقع وصارت تدعي له بالرحمه
تجيها ايام وتتصل وبرضو مقفل قالت بس خلاص محمد راح " وجلست طول هالـ 3 اسابيع لا تاكل زين ولا شي
تنومت بالمستشفى ومغذي داخل ومغذي طالع و24 صياح
لييييييييييييييييييييييييييييييين جاء اليوم الموعود "
اتصل احد من جوال محمد ع ساره :
وساره كانت نايمه
المهم صحت وماصدقت عيونها شافت رقمه بس وش قالت ؟؟؟
ساره / اكيد واحد من اهله شاف اتصالاتي بعد ماخلصو العزآ وفتحو جوال محمد وشافو رقمي فـ دقو وحبو يعرفون من انا لو محمد كان رسل لي "
دقت علي وقالت لي "
ساره / قطوه الحقيييييييييييييييييي في احد دق من جوال محمد علي
انا / ومن طلع ؟
ساره / مدري لأني مارديت
انا / وجع ان شاء الله ردي طيب يا درج يمكنه هووو
ساره / لا ما اتوقع لو انه هو كان رسل لي وهالإتصال مره وحده بس لو هو كان دق كم مره لين ارد
انا / صدقيني هووو احساسي يقول كذا دقي عليه
ساره/ لا اخاف انصدم ويقولون لي انه مات ومن انا ومن هالكلام
انا / اقول دقي بس بلا هبال والله هوووو صدقيني دقي وبتشوفين
وتدق ساره " من رد عليها ؟؟؟
محمد / هلا بعمري هلا بحياتي هلا بسارونتي
ساره / محمد ؟؟ محمد ؟؟ انت محمد
محمد / لا ولد الجيران "" ايه محمد يا روح محمد ساره حبيبتي سويت العمليه ونجحت 100% وجلست اسبوعين عندهم عشان يتأكدون سوو لو فحوصات واشعه والحمد لله تأكدو ان الخلايا السرطانيه كلها ماتت
ورحت اسبوع لأهلي وجلست عندهم وشفت فهودي ولدي واستسمحت من ابوي ورجعت المياه لمجاريها
وامس رجعت جده قلت اول وحده بكلمها حبيبتي ابشرها
هنا ساره ع طول سجده سجود الشكر هههههههههههههههههههههههههههههههههه
وعقب جلست تصيح وتكرر الحمد لله الحمد لله
وقالها انا كلمت اهلي بعد اسبوع بقص تذكره للدمام انا واهلي وبنجي نخطبك كلمت ابوي وقالي سوي الي تبيه وانا غلطت بحقك واسف ومن هالكلام
وقلت له الي ابيها للحين موجوده وكلمت امي ابوي قال نروح نشوفها الإسبوع الجاي فـ وش رايك حبيبتي ؟
ساره / <<< تصيح بس بضحكه هههههههههههاي
وفعلا جاء محمد وامه واخته واخوه الكبير وابوه وراحو لبيت ساره ووقتها ساره كانت قايله لأمها ان في وحده بتجيهم عشان تشوفها وجات امها لبيتهم وحس ابوها ان السالفه جد وان ساره خلاص كبرت عمرها صار فوق الـ 26 وانه لازم يزوجها الكل قام يقوله بنتك وبنتك ولين متى بتخليها عندك بالبيت الي قدها عندهم عيال وبنات وحراك تخلي البنت لين تعنس وياويلك من ربي يوم القيامه لأنك ماسكها بدون سبب وجاكم كم واحد وانت ترفض ع ولا شي
احس ابوها كان ينتظر متى يجي احد ويخطبها عشان تفتك من كلام الناس ولا هو من جنبها ماهمه تزوجت ولا قعدت
و جاء اهل محمد لبيتهم شافوهم ناس اجاويد والام انهبلت ع ساره طول الوقت كانت تقولها انتي حبيبة ولدي يا بخته فيك
انا كنت موجوده وحاضره هالأحداث الجميله
وخطبها وسوو خطبه وعقب شهرين تزوج محمد من ساره والحين وجابو كتكوت اسمه جاسم "
ودي احط لكم صورته بس لا ساره بتكفخني "
هذه زبده قصه ساره ومحمد ولا ودي افصلها لكم بس تعبت وانا اكتب هههههههههههههههاي " اختصرتها لكم بمافيه الكفاااايه
قلت لها سارونه بأكتب قصتك انتي ومحمد وبنزلها بمدونتي قالت خذي راحتك استأذنت منها ع االأسامي قالت قلت لحمد وقال عادي بالعكس
خلي الناس تشوف ان الواحد لا حب من قلب صادق راح ينال الي يبغاه "
قلت لها سمي قصتكم عشان اقول هذه روايه كذآ وكذآ
قالت لي اممممممممممم سميها وايه ( ان الله مع الصابرين )
قلت / احلفي ""
وشو صابرين  هيييييييييييييييييه وش بيقولون الناس عننا قرينا روايه ان الله مع الصابرين وشو داخلين لجنه التعريف بالإسلام ولا وشو ؟؟
وعقب قالت لي طيب سميهآ (( انت لي )) وحطي جنبها ( ساره ومحمد ) مثل روايه قمر وخالد
ويلا نسميها انت لي - ساره ومحمد "
وترى هالساره اكبر مني بكم سنه بس كانت ومازات نعم الصديقه والأخت الي الجأ لها لأغلب الأوقات "
وبحاول فيها اوريكم جسوم ان رضت نزلت لكم صورته فديت عنونه "
وبس خلصنآآآآ "
اتمنى ان هالروايه عجبتكم وترى كل حرف كتبته صار من جد بعضكم ما بيصدقني لكني صاااادقه
والي خلاني اكتبها هووو اني احسها شي خيال لكنه واقع وانا شخصيآآ عشته
بس اهم شي النهايه كانت حلوه " ورووووووووووعه وبعد كم سنه صارو لبعض
الله يوفقهم يارب ويرزقهم ببنت زيي ويسمونها ع اسمي بعد 
برررب ابي اناااااااام الحين ""
|
|
التعديل الأخير تم بواسطة ǺĽ ẕeeห ; 2011- 6- 15 الساعة 07:55 AM
|
|
|
|