من أول طعنه بصدري وانا ادوّر رماد أحبـاب
نسيت الثار.. واهدابي من أول ما انطعنت قبور
عشان اللي يمرّ القلب ما يسأل عن الأسبـاب
ويلقى كل شبرٍ بالمحاني خـاويٍ مهجـور!!
يجوز الطلقه بمحزم سـلاحي والكتوف حْـراب
ولكني على ما قيل ( ما لي بالمعـارك دور)
خريف اللي مضى والا ربيع أحبابـي الكـذاب
نست عيني مشاوير الفصول بمذبح العصفـور
هدمت الذكريات وطاحـت الأقفـال والأبـواب
وبقا من غرفة الاحلام وجه مرايتي المكسور