2011- 6- 16
|
#2329
|
|
أكـاديـمـي مـشـارك
|
رد: أنسكاب احاسيسنــــا*
صحى صبح الفراق \.. ولا تريقته :
سوى نبضٍ .. تجمّل في شراييني
تسلل..وسط شباكي ...\ وسابقته
ارّتب غربتي ..،.. ووجيه غاليني
كأنه حلمْ .. ماطقته و لا فقته
ولا كسّر نعاس الدرب في عيني
ولو إنْه إذا مدى النوى طقته
يغنّي العشب لأسراب التعب فيني
ولكنْ البلد من يوم .. فارقته
يخبّي ريحة الغالين بـ ايديني
يذر الجرح .. نسناسه واروقته
ترش الحُب ..\ وتشرّ المحبيني
لمست الخوف\ طمنّته\..وصادقته
على حفنة جسد .. ماعاد يعنيني
عرفته ساكنٍ فيني .. وعلقته
يشاورني على ماخلّت سنيني
تقول أمي : محد يرضى على وقته
وانا بـ وقتي رضيت،ولارضى فيني
تدلّى من زمن .. للحين ما ذقته :
سوى منفى شعور : ودمع غاليني !
|
|
|
|
|
|