|
رد: احتاج لك~~ بدنيا قست فيها قلوب البشر
قبل كم يوم كنت مع بنات خالي واخواتي باجتماع لهم بالفرح
بمناسبه عقد قرآن كذا وحده منهم
ماشاءالله هالسنه صار فيه اكشن وحركات
المهم القصه بالموضوع اني كالمعتاد وفي اي جلسه بين خلق الله اكون ساكته لان الكلام بين الناس بالايام هاذي صار ينقلب بالغلط حتى لو كنت انت الصح
سبحان الله كذا الناس يعني تتكلم صح يقلبونه غلط
تتكلم غلط يخلونه غلط ويفرحون عليك
ياربييييه قسم بالله ناس
ههههههههههه
المهم مشى الوقت وبين سواليف وحتسي يجيب الهم وقالت فلانه وقالت ذيك
وذيك لبست لبس مرررره وع وهاذيك الحرمه الي جت معها زوجه فلان شفتي وشلون قاعده يوم رفعت رجلها شفت شي متشقق يالله مدري وشلون رجلها متحمله
طيب انتي ماتخافين من الله يوم انك تحشين فيها بكره وراك زوج
والله يستر وبس
وانا قاعده اسمع واستغفر الله على كل الكلام وانا بين اني انصح واذا قلت تكفون حرام قالوا تكفيييين اسكتي
المهم الزبده بالموضوع
وحده ماعرفها قاطه معنا وهي من صديقات بنت خالتي
جت تسولف معي
واندمجنا بالسواليف
وحنا نتكلم
قامت تقولي سالفتها
وماتوقعت انها كذا
يعني شكلا غير المضمون
يالله الناس تخفي بصدرها هموم وهموم
الجدير بالذكر وهي تشكي تصيح
بس اشوى ماحد شافنا
وانا ساكته رغم ان الالم بقلبي بس متحمله 
ابوها رافض يزوجها ويقول لاحجت البقره على قرونها
طبعا هي سكتت
قلت يابنت ورى ماتقلبين جوها وتخلينها تضحك
قلت ابوك يقول اذا حجت البقره على قرونها ابوك يوافق اجل متى تهقين تحج ؟؟.gif "(107)")
قالت مدري ..
قلت انا بعد مدري
هي طارت عيونها تحسبني انهبلت 
قلت شكل بقره ابوك كافره ماتعبد الله
صارت البنت ساكته  تفكر شوي وتنفجر ضحك والبنات يطالعون فينا وانا وياها فاقعين ضحك 
تمنيت ان الضحكه الي بقلبي تطلع من قلب بس شي طاغي علي والله المستعان
|