السلام عليكم ورحمة الله وبركاته ...
اتمنى تقرأين ردي بكل تركيز وان ان شاء الله تستفيدين ..
بالنسبة لي هذا المستوى لي افضل بكثير من المستوى الماضي ...لماذا ؟؟
راح اجاوبك بكل دقة وتفصيل اول شي نزلت هذا المستوى<<<اقصد مستوى ثاني 6 مواد هي كا الأتي
أولا // عقيدة : طبعا مادة سهلة ودرسناها ايام المتوسط والثانوي وبكل صدق لم أذاكرها إلا قبل الأمتحان بيومين ومتفائل بـa
ثانيا// محاسبة2 :: بصراحة مادة فهم ومشابها لمحاسبة 1ودكتورها ممتاز جدا وشرحه جدا رائع اعتمدت على مذاكرتها على المحاضرات المسجلة وملخص نزلته من المنتدى راح ينزلونه ان شاء الله الطلاب لكم اذا كان نفس الدكتور .. مادة ممتعة جداااا وإذا تحبين الفهم ما راح تتعبين معها ..
ثالثا // انجليزي :: الماده هذي ذاكرتها في تقريبا 3 ايام فقط يعني طول الترم ما ركزت عليها إلا في اخر الترم بس الدكتور ساعدنا نزل 100 سؤال كلمات 100 سؤال قطع 100سؤال قواعد .. واعتمدت عليها وان شاء الله a .. صح انها مع المحاسبة بنفس اليوم لكن ذاكرتها قبل اسبوع الاختبارات ويوم جا الاختبار راجعتها بس ..
رابعاً// تقنية معلومات 1 :: المادة هذي ما ذاكرتها إلى ليلة الأمتحان بس كنت شايل همها والملخص كان كثير بس لما ذاكرتها طلعت سهله جداااااااااا
والمادة مكونة من 14 درس هي كالاتي
اول 5 محاضرات يبيلها حفظ حفظ زي اسمك
والمحاضرات 6,7,8 سهله اقريها راح تخلصينها بـ5 دقايق لانها تكلم عن اشياء سهله مثل مزايا وعيوب الكمبيوتر
والمحاضرات 9,10,11,12,13,14 عملي يعني خليك على الكمبيوتر وطبقي اللي فيها كذا راح تكونين فهمتيها .. سهله مع اني كنت شايل همها لكن حليت كويس بالأختبار ..
خامساً// الاقتصاد الكلي ::كنا متخوفين منها مو لإنها صعبه او انها صبعةالفهم لا لإن دكتورها درسنا الاقتصاد الجزئي وجاب لنا اسئلة ما يحلها احد ..يعني صعب علينا الاختبار وكنا متخوفين أن يصعب المادة هذي.. لكن ما قصر بالعكس سهل الأسئلة وحدد لنا بعض النقاط المهمه حتى المسائل حددها لنا وجاب نفسها مثل الارقام ما قصر معنا هالترم ..
سادساً// رياضيات2 :: انا بيني وبينك احب الرياضيات عشان كذا ما اتعب معها كانت بالنسبة لي سهلة يمكن عشان انا فاهمها .. تقريبا 6 محاضرات الاخيرة تصدقين اني ما ذكرتها إلا يوم الامتحان يعني قمت الفجر بدري وذاكرتها لين الساعة 11 كانت عند ظروف اجبرتني على ذلك ..لكن مع ذالك اضمن اني اجيب a+ ان شاء الله ..
ملاحضة :: رياضيات 2 اصعب من رياضيات 1 ودراستها باللغة الانجليزية << لا تخافين
يعني رياضيات 1 س و ص لكن رياضيات 2 X , Yيعني بالرموز بدال ما تكون بالعربي صارت بالانجليزي وإذاكان مستواك بالرياضيات ولا بد أنصح تذاكرينها اول بأول وتحلين تمارين كثير عشان ترسخ بذهنك
اما الصحة واللياقة انصحك انك ما تنزلينها لماذا ؟؟ لانها راح تكون مع الرياضيات بنفس اليوم والرياضيات تحتاج وقت لين تخلصينها راح تنضغطين بالمذاكرة وخليها مستوى ثالث ما يضر..
في النهاية كل شخص وله قدرات انت تعرفين نفسك سوي لك جدول من بداية السنة وذاكري
اهم شي الرياضيات و المحاسبة والاقتصاد تابعيها من البداية وباقي المواد تراها حفظ .. أتمنى إني أفتدتك بشي وشكراااا