المشاركة الأصلية كتبت بواسطة ^تركي^

اخي الكريم .. صدقني ومن وجهة نظري الخاصه نظام الجامعه افضل بكثير من انظمة الجامعات الاخرى
احترم وجهه نطرك

تدري فيه شخص عزيز علي كلمني وقال يبي يحول من الملك عبدالعزيز الى الملك فيصل ..
وهذا الي سبب الزحمه والتعليق الغير مقدر من الجامعه اقبل وبس ياخي شف النظام الخايس عندك يتحمل ولا لا

ولو ان النظام الحالي ليس خالي من السلبيات ولكن ايجابياته اكثر من السلبيات ..
عددي السلبيات وعددي الايجابيات
انا لقيت ان السلبيات تقريبا ضعف الايجابيات

احسبها معي ..

30 درجه تاخذهاا في جيبك ان كنت من المهتمين من بداية الترم وتشارك اولاً بأول وتحل الواجبات في وقتها
بقولك ياعزيزي الطالب اختار الانتساب علشان ضروف الحياه معاه ماتساعده للتفرغ
طيب الترم الاول ماكان فيه لمشاراكات ولا واجبات وكان من اروع مايكون سدد فلوسك احفظ مواعيد الامتحانات تعال اختبر وتوكل على الله جا الترم الثاني قالو 14 مشاركه وواجبين وجلسو يقنعون في الطلبه عدا الترم الثاني
جا الترم الثالث قالو 14 مشاركه فعاله في مواضيع النقاش + ثلاث واجبات
بالله انا فاضي لهم اجلس اتابع هالمنتدى كل يوم خبر والمشكله ياليت فيه رابط رسمي للاخبار ولا رسايل جوال لا ادخل المنتدى واجلس فر على كل المواضيع وطلع الخبر منها مهزله اقسم بالله

اذا انت ممن يرغبون بالنجاح فقط .. يتبقى عليك 30 درجه تجيبها في الامتحان من 70 تخيل اقل من نصف الدرجات .. ووقتك ساعتين تحل فيهم ..
الترم الاول يوم كان من 100 كانت الاسئله موزعه على الوقت لاتحسب الدكتور ماينظر الى هذ الامور
لكن تخيل معي 100 درجه على الامتحان وساعتين وقت صدقني بعض المواد ما تلحق تحل فقرات الاسئله في ساعتين يعني لو حسبناها حسابياً
100 سؤال / 120 دقيقه
غير صحيح المواد العلميه ماكانت ميه سوال اقل من كذا
من المفترض تحل كل فقره في دقيقه وعشرين ثانيه ..
طيب تحتاج مراجعه وتحتاج عند بعض الفقرات التفكير والاسترجاع للمعلومات .. صدقني الوقت ليس كافي لـ 100 سؤال ..

اخشى ما اخشااه ان تجرب جامعه اخرى وتندم اشد الندم على ترك الجامعه ..
لا والله الندم على البقاء في الجامعه بس الشكوى لله مظطرين الترم الثالث

الانظمه واضحه والمراكز ما شاء الله يا كثرها خاصة هذا الترم صار في كل مدينة اكثر من مركز ..
اي واضحه ادخل على منتدى النقاش وشف موضوع الانظمه واللوائح المشكله شالوه الحين بعد ماضحكو عليهم الطلاب
بعدين المراكز يالحبيب انا مااتكلم عن كثرتها انا اتكلم عند تحديد المراكز يعني مثلا انا اخترت الرياض قبل شهر من الاختبارات ادخل قبل الاختبار بثلاته ايام القاهم حاطين لي الرياض 10 اي تخلف كذا والكروكي غير موجود صرت اذاكر ولمن اتعب شوي ادخل على الخدمات الطلابيه اتونس شوي واشوف الرياض 10 تغيرت ولا لا قبل الاختبار بيوم حطو الكروكي وعرفنا موقع الكنز

لا تستعجل في حكمك على نظام بدأ من فصليين دراسيين وكان فيه تحسن خلال السمستر الحالي
انا في الترم الثالث

وصدقني راح تشوف تحسن كبير في السنه القادمه وراح تشووف الكثير من طلبة الجامعات الأخرى يرغبون بالإنضمام لجامعة الملك فيصل ..
يارب من بوقك لباب السما

والدليل العدد الهائل ( ما يقارب 40 الف طالب وطالبه ) بجامعة الملك فيصل ..
اربعين الف طيب انا كان يختبر معاي الاف في نفس الماده الترم الثاني قلو صارو تقريبا مئات الترم الثالث تدري كم يختبر في الماده اقسم بالله 40 طالب هههههههه وين راحو الاربعين الف الله اعلم

فقط انظر للموضوع من كافة جوانبه ولا تنظر له من جانب واحد ..
اكيد بس الظاهر ذولي طنشهم ترتاح

اسأل الله العلي القدير ان يوفقني واياك وجميع الأخوان والأخوات لما هو فيه خير لنا جميع ..

موفق اخووي