المشاركة الأصلية كتبت بواسطة Lubna

يعطيك العافيه

اما سالفة الغش هي صارت شي عادي عند البعض تدرين فيه ناس انصدمت انهم معانا بالملتقى و اسلوبهم بالملتقى غير عن الواقع لاني شفتهم كم مره وهم يغشون
و هذا غير استهتارهم و الازعاج اللي يسببونه بالقاعه

والله اني لما ادخل قاعه و اشوفهم موجودين اطلع و ادور قاعه ثانيه بس اوقات اكون دخلت القاعه و ما اقدر اطلع و يبدأ قلة الادب و الذوق حتى ما فيه احترام للمراقبه الكبيرة بالعمر اللي قاعده تحاول انها ما تسبب اي ازعاج لنا عشان نركز وهم استغفر الله العظيم

ابسط شي الجوالات معروف عندنا ممنوع لازم يكون سايلنت و بالشنطه بكل عين قويه تلقين الجوال معاهم

يعني بجد عالم غريبه تلقينها بالمنتدى قمة الاخلاق و الاداب مع كذا تلقين الغش عندهم عاد ازعاج الناس عادي يعني

بالنسبة لي مافي امل افكر اني اغش حتى لو ما حليت زين و الله اني اوقات اتحاشى اني اتلفت عشان ما احد يفكر اني اغش >> مع ان الرقبه تكون رايحه فيها من التركيز على ورقة الاختبار


اشكرك مره ثانيه على الموضوع