|
رد: هااام واتمني الاداره تدخل الموضوع هذا بذات شكرا
الحمد لله ان صاحبة الموضوع تقدر تشوف موضوعها وهو بقسم المحذوفات
عشان تشوف الرد
اول حاجه/ لما سجلتوا بالملتقى اول شي يطلع لكم شروط الملتقى
اكيد انكم وافقتوا عليها ولا ماكان شفنا طلتكم الحلوهـ
يوم انكم وافقتوا عليها مجبورين انكم تتقيدون فيها ولا راح تعتبر مخالفه
بغض النظر هل انتم راضيين لالا
ثاني شي/ لما تجي تكتبي موضوع وخاصة شكوى لابد انك تحترمي اللي تكلميهم
وش هاللهجه بالموضوع؟
ثالث شي/ وش اللي حش وماحش وجاب اعراض الناس
نحنا بالملتقى نمنع ذكر اسماء
واذا شايفه رد فيه كذا بلغيني
واذا احد جاب سيرتك انتي وغيرك وانت يماتدري مالك الا تدعي عليه ونقول معك آمين
رابع شي/ كذا عضو دخل وقال في مواضيع وردود كثيره مخالفه ومحد حذفها
وشاطرين على موضوعنا وتفرقه..
ردي عليهم/ اننا هنا نعامل الكل مثل بعض ومافي تفرقه
ولما يجي واحد منكم ويرسل لي انا او اي احد من الأداره والمشرفين
ويعطينا الرابط ويقول ترا فلان مخالف شوف
ونحنا ماحذفناه هذيك الساعه تعالوا قولوا فرقنا
انتم شايفين كثر اقسام الملتقى
وعدد الأداره ماتكفي للمتابعه
هذا غير اننا كلنا طلاب وندرس
مابنجلس 24 ساعه نراقب البزارين اللي يخالفون
لذالك ممكن مانكون انتبهنا لهالشي وباقي الأعضاء انتبهوا
فمن واجبهم يبلغون الأداره
بالنسبه لقسم المانع مو كل الأداره شافواالمخالفات
وحدهـ من الأدارهـ / دنيتي قلبك الله يجزاها خير شافته
وبلغتنا وجينا شفناالمخالفات بعيننا
ونحنا ماندخل داخل قلوب الأعضاء عشان نعرف هذا كان يتكلم جد ولا يمزح
ولا كان قصده يكلمها مثل اخته ولا عمته ولا امه ولا جدته
هذا غير لما يجي شخص ويشوف كل هالردود المخالفه وياخذ فكره خاطئه عن الملتقى
ويفتكر ان كل الأعضاء اللي فيه ردودهم كذا
ويتخيل له اشياء ثانيه وثالثه
بالنهايه محد يعرف اي شخص فيكم معرفه شخصيه عشان يتحامل عليه ولا يحطه بباله
اللي مايعمل مخالفه مايجيه شي
وقوانين الملتقى واضحه للجميع
اللي بيتقيد فيها حياه الله
واللي مايتقيد فيها يامكثر المنتديات الثانيه
مو مهم كثر الأعضاء
المهم مستواهم بالردود وتقيدهم بالشروط اللي سبق ووافقوا عليها
محد مجبور يبقى اذا الشروط مو عاجبته
الكلام واضح
وبلغي الكلام هذا لباقي الأعضاء اللي ايدوك بموضوعك
|