|
هم الدراسه ولا هم البلاك بورد ..!!
صباح _مساء الخير ..
طبعا الاحظ في الفتره الاخيره قلق الكثير من ناحية البلاك بورد والمشاركات .. وتحميل المحاضرات ..
يعني من جد شئ يقهر .. نخلص من هم الدراسه والامتحانات يجينا هم البلاك بورد ..
والله العظيم صاير رعب بالنسبه لأغلبنا .. يعني مو معقوله اننا نقعد نشارك ب14 نقاش لكل ماده .. ولازم مشاركه فعاله .. طيب انا فاضيه .. لكن غيري هل هو فاضي ؟؟
المفروض الجامعه تخلي ال30 درجه لتحميل المحاضرات والواجبات فقط .. يعني بالله المشاركات من منكم يستفيد منها ؟؟ ولا من منكم يقراء منتدى الحوار ؟؟ يعني كأننا نكذب على الجامعه ونكذب على نفسنا .. !! نحط اي شي لمجرد اننا ناخذ الدرجه .. !!
يعني .. هل هذا تصرف طلاب جامعيين ؟؟
الوضع سئ سئ سئ سئ جدا جدا جدا .. ولا احد يقول لا عادي الوضع حلو ومدري وشو
حرام عليكم .. الي ابي افهمه مو عبدالله النجار قال قبل ماتخلص الامتحانات بيومين .. بتطلع ايقونة المشاركات ..!! وبعدها نتفاجأ ان الايقونه لا بعد ولا قبل ولا غيره تتفل ؟؟؟ !!!!
يعني هالجامعه ماعاد عرفنا لها .. كل يوم لهم راي .. كل مره شيء .. حرام عليهم هالتخبط
تونا لنا مستويين واحس اني ماعاد ابي اكمل ؟؟ اشلون بالله لا وصلت للمستوى الثامن وش بيصير فيني !!
الي اكتشفته ان دراستهم متعبه وانظمتهم مرهقه مره .. المفروض يشوفون لنا مو معقوله نستمر باقي المستويات كذا ؟؟
شكرا .. واسفه لو طولت عليكم
|