علمتك انك بالهوى اتصير مغروور
ماتنده المقفى اليا منه اقفــــــاا

وعلمتك انت بقيمة النار والنوور
وعلمتك بمشاعري كيف تدفــــاا

علمتك القسوه بلا احساس وشعوور
ليتك عرفت شلون تنقا وشلون تصفـــاا

انا صنعتك للاسف والعب الدوور
ياللي عواطفك ومشاعرك صلفـــاا

اول الهده بعتني بيعة البــــوور
ذبحتني واليوم فيني تشفـــاا

اليوم جرحي صاح ماهو بمستوور
كل شيء وضح ماعاد به شيء يخفـــاا

منك جريح القلب يصيح مقهوور
كثرت اخطائك والوفي عجز يرفـــاا

الله عليك ولازم الوقت بيدوور
وهاك الجروح يجيلها يوم تشفـــاا

انا اتحمل ماجرى وانت معذوور
خطاي اني علمتك شلون تجفـــاا