يابوي وينك عذبتنـي الليالـي* ليتك تشوف الحال وشلون منصاب
ليتك تشوف الهم وأوضاع حالـي * ليتك تشوف الدمع وشلون سكـاب
ليتك تشوف اللي بعدكـم جرالـي * حتى الفرح يابوي وياك قـد غـاب
أمشي و أنا يابوي همـي ظلالـي * وأخفيت جرحٍ يايبه مابعـد طـاب
جرحن مع الايـام لامـن طرالـي * سالت دموع العين من بين الاهداب
ساعة رحيلك يابعـد كـل غالـي * انهار حلمي وانكسر قلب معطـاب
خانتني الحسره وحزنـي غدالـي * اوفا صديقن لي من دون الاصحاب
واوفت لي العبره وضيقـي وفالـي * وعايشتهم يابوي في ديرة أغـراب
يابوي شفت الويـل وانـا لحالـي * تركتني للوقـت ولضيـم الاقـراب