|
رد: سجل حضورك اليومي بكتابة بيت من الشعر
لا صد عنـك مـن تـوده وجافـاك
خله وجـازه بالجفـا مثـل صـده
خلـه بدربـه لايخيفـك وينـهـاك
وجازه بالافقا ليـن يعـرف مـرده
جازه بمـا مـدت يمينـه ويـدراك
وضده بمن يكـره تـرى ذاك ضـده
لاترتضي بالهون في كـل ممشـاك
وحدك وخصمك وقفـه عنـد حـده
خلك عزيز النفـس والعـز مـأواك
وكـلـن عطـه تفصيـل ثوبـه بقـده
أحرص على حسن العمل في سجايـاك
واللي يعمـل الخيـر بالخيـر بـده
واللي يعمل الطيب لو كـان ماجـاك
طيبه لو أنـك تقصـده جـد جـده
إسمع نـداء مـن للمهمـات ينخـاك
وذا منحـتـه لا تبـيـح بـسـده
خص الرفيق اللي إذا جيـت حيـاك
وإن غبت عنـه ياصلـك بالمـوده
واللي تربص منك لا يعرف أقصـاك
وبـاب يحـاول منفـذ منـه سـده
وإصـحـى جليس السوء ويـاه يبـلاك
يرميك في درب الشمـت والمضـده
ولاتخاطـب جاهـل يكثـر الـغـاك
تنساق في جهلـه وقصـدك تـرده
وإعرض وخلك صامت وإحبس أريـاك
ومـن لا إستشـارك لاتقـدم بمـده
وإرجـى الذي بأمره من الكرب نجـاك
اللي علـى يعقـوب رجـع مـوده
|