أنا قلت لكمـ المرهـ الجايه بكتب لكم
تعريف باقي اخواتي + سالفة الدولاب+ الشغالهـ
+العرس
+ المول + الفورم +السفر ..
..
طيب التعريف على اخواتي .. تعبانه أعرف عليهم الحين ..
يبي لهم كلا كثير .. خلوها لوقت ثاني
خلينا ننتقل لسالفة الدولاب ..
يااخي وش ذا .. مدري انا الوحيده في العالم الي تصيدني هالمشكله أو لا 
المشكله .. توني اليوم مرتبه الدولاب ..
أجي بعد يومين ألقى الملابس شوي على السرير
شوي على علاقة الملابس ... شوي تحت السرير
شوي ورا الباب .. يااخي مليت ..
الي يشوف ماعندي شغله غير إني أجلس أرتب في هالملابس
كل مره ارتب ملابسي اقول بحافظ على الترتيب
واجي بعد يومين وأشوفهـ مخترب
شـ أسوي يعني .. ؟
عاد من كم يوم كنت جالسه أتأمل في غرفتي
وجلست أفكر الحين أدوات الطعام مثلا
اذا مانبي نرتبها و تعبانين ننظفها وكذا ..
عادي في بديل وهو الأدوات البلاستيكيه ..
طيب الثياب .. ؟ المفروض يسوون ثياب
البس مره واحدهـ ثم ارمها
عن جد تعب كذا .. والله اقول لـ الماما انا خلاص مايهمني
ديوور .. شانيل .. بيرشكا .. مانجوو
بلبس وبرمي وبشتري من جديد ..
اعطوني حل .. شنو جالسين تقرأون المدونه على الفاضي
يااخي خلي لكم بصمة في حياتي << يمديكم على بصمه
لاتقولون لي خلي الشغاله ترتبهم ..
ماحبها تدخل غرفتي وماتعرف كيف الترتيب الي ابيه
\\
إيه هذي سالفة الدولاب .. عسى جازت لكم ؟ 